ଗୁରୁଡିଝାଟିଆ : ଖୁଣ୍ଟୁଣୀ ବନାଞ୍ଚଳ ପକ୍ଷରୁ ରୋପଣ କରାଯାଇଥିବା ଫଳ ବଗିଚାରେ ହାତୀପଲ ପଶି ଉଜାଡି ଦେଇଛନ୍ତି। ଗତ ଦୁଇମାସ ତଳେ ୭ ହେକ୍ଟର ଜମିରେ ଆମ୍ବ, ପଣସ, ବରକୋଳି, ଜାମୁ, ପିଜୁଳି ଆଦି ଚାରା ରୋପଣ କରାଯାଇଥିଲା। ଆଖି ଦୃଷ୍ଟିଆ ହୋଇ ଉଠିଆସିଥିଲା ଚାରାଗୁଡିକ। ହେଲେ ୧୦ଟି ହାତୀ ଗୋଡରେ ଦଳି ନଷ୍ଟ କରିବା ସହ ଶୁଣ୍ଢରେ ଉପାଡି ଦେଇଛନ୍ତି ଫଳ ଗଛଗୁଡିକୁ। ଖୁଣ୍ଟୁଣୀ ବନାଞ୍ଚଳ ଅନ୍ତର୍ଗତ ରାଣୀବଣିଆ ସଂରକ୍ଷିତ ଜଙ୍ଗଲରେ ରୋପଣ କରାଯାଇଥିଲା ଏହି ଫଳ ଚାରା। କପିଳାସରୁ ଆସି ରାଣୀବଣିଆ ଓ ବଣିଆନ୍ଧ ସଂରକ୍ଷିତ ଜଙ୍ଗଲରେ ଆସ୍ତାନ ଜମାଇଛନ୍ତି । ପ୍ରକାଶଯୋଗ୍ୟ ଏହି ସଂରକ୍ଷିତ ଜଙ୍ଗଲଦ୍ୱୟ କପିଳାସ ସଂରକ୍ଷିତ ଜଙ୍ଗଲକୁ ଲାଗିଛି । ଲକ୍ଷଲକ୍ଷ ଟଙ୍କା ବ୍ୟୟରେ ବନବିଭାଗ ଦ୍ୱାରା ସୃଷ୍ଟି ହୋଇଥିବା ଫଳ ବଗିଚାକୁ ହାତୀପଲ ଉଜାଡି ଦେଇଥିବାରୁ ବନକର୍ମଚାରୀ ମନରେ ନୈରାଶ୍ୟ ଦେଖାଦେଇଛି। ଖୁଣ୍ଟୁଣୀ ବନାଞ୍ଚଳ ଅଧିକାରୀ ଗଜେନ୍ଦ୍ର ସିଂ ମାଥୁର ଆଜି ଅପରାହ୍ନରେ ଉଜାଡି ଦେଇଥିବା ବଗିତାକୁ ଦେଖି ମର୍ମାହତ ହୋଇଥିଲେ। ଯେହେତୁ ସଂରକ୍ଷିତ ଜଙ୍ଗଲରେ ହାତୀ ଅବସ୍ଥାନ କରୁଛନ୍ତି ସେଥିପାଇଁ ଏଭଳି ନଷ୍ଟ କରିଛନ୍ତି। ଉଲ୍ଲେଖଯୋଗ୍ୟ ହାତୀପଲ ଗାଁମୁହାଁ ନହେବା ପାଇଁ ଏହି ଫଳ ବଗିଚା ସୃଷ୍ଟି କରାଯାଇଥିଲା। ଚାରା ବଡ ହୋଇ ଫଳିଲେ ହାତୀ ଖାଦ୍ୟରୂପେ ଏହାକୁ ଗ୍ରହଣ କରିଥାନ୍ତେ।
Popular Categories
Previous article
Next article