ବେଗୁନିଆପଡା: ଆଗକୁ ଆସୁଛି ସାଧାରଣ ନିର୍ବାଚନ । ଏନେଇ କେତେବେଳେ ବି ବିଗୁଲ୍ ବାଜିଯାଇପାରେ । ଆଉ ତାକୁ ଦୃଷ୍ଟିରେ ରଖି ବିଭିନ୍ନ ରାଜନୈତିକ ଦଳ ପକ୍ଷରୁ ତତ୍ପରତା ପ୍ରକାଶ ପାଇଛି । ଆଶାୟୀ ପ୍ରାର୍ଥୀମାନେ ବି ନିଜ ନିଜ ସଂଗଠନକୁ ସୁଦୃଢ କରିବା ପାଇଁ ଅଂଟା ଭିଡ଼ିଛନ୍ତି । ଆଉ ସେହି ପରିପ୍ରେକ୍ଷୀରେ କବିସୂର୍ୟ୍ୟନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ବେଗୁନିଆପଡ଼ା ହନୁମାନ ମନ୍ଦିର ବାଟିକାଠାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ କୋଦଳା ଏନଏସି ଉପାଧ୍ୟକ୍ଷ ତଥା ଯୁବନେତା ହରପ୍ରସାଦ ସାହୁ ଉପସ୍ଥିତ ରହି ଆଗାମୀ ନିର୍ବାଚନ ଓ ବିଭିନ୍ନ ପ୍ରସଙ୍ଗ ସଂପର୍କରେ ଆଲୋଚନା କରିଥିଲେ । ବୈଠକରେ ବେଗୁନିଆପଡ଼ା ପଂଚାୟତର ବହୁ କର୍ମକର୍ତା ଯୋଗଦାନ କରି ବିକାଶ ଓ କଲ୍ୟାଣମୂଳକ ଯୋଜନା ସଂପର୍କରେ ଆଲୋଚନା କରିବା ସହ ଭୋଟରମାନଙ୍କ ସହ ସୁସଂପର୍କ ସ୍ଥାପନ ଉପରେ ଗୁରୁତ୍ୱାରୋପ କରିଥିଲେ । ଜନସାଧାରଣଙ୍କ ଅସୁବିଧା ଓ ସମସ୍ୟା ସହିତ ଜଡ଼ିତ ରହି ସେମାନଙ୍କୁ ସହଯୋଗ କରିବା ନିମନ୍ତେ ହରପ୍ରସାଦ ସାହୁ ଆହ୍ୱାନ କରିଥିଲେ । ଏହି ବୈଠକରେ ଅନ୍ୟମାନଙ୍କ ମଧ୍ୟରେ ବେଗୁନିଆପଡ଼ା ସମିତି ସଭ୍ୟ ନାରାୟଣ ବେହେରା, ଯୁବନେତା ଲିଲୁ ମାଝି, କ୍ରିଷ୍ଣା ପାତ୍ର, ଏମ୍. ସଞ୍ଜିବ ରାଓ, ଆଦିକନ୍ଦ ପଳତା, ବଳରାମ ସ୍ୱାଇଁ, କାଳିଆ ପଣ୍ଡା, ଗୋପିନାଥ ଗୌଡ଼, ସୁରେନ୍ଦ୍ର ପୋଲେଇ, ରବିନ୍ଦ୍ର ସ୍ୱାଇଁ, କୃଷ୍ଣ ସ୍ୱାଇଁ, ତ୍ରିନାଥ ପାତ୍ରଙ୍କ ସମେତ ଶତାଧିକ ଜନସାଧାରଣ ଉପସ୍ଥିତ ଥିଲେ ।
Popular Categories
Previous article
Next article