ନୂଆଦିଲ୍ଲୀ: ନାସାର ବୈଜ୍ଞାନିକଙ୍କୁ ଏଭଳି ଏକ ପଡ଼ୋଶୀର ସନ୍ଧାନ ପାଇଛନ୍ତି ଯେଉଁଠି ସମୁଦ୍ର ଓ ଏଲିୟନ ଥିବାର ସମ୍ଭାବନା ରହିଛି। ଏଭଳି ଏକ ଗ୍ରହ ଯେଉଁଠି ୨୪ଘଣ୍ଟା ଦିନ ଓ ୨୪ଘଣ୍ଟା ରାତି। ଦିନରେ ପଣି ରାତିରେ ବରଫ। ଦିନରେ ତାପମାତ୍ରା ୩୦ଡିଗ୍ରୀ ଓ ରାତିରେ ସର୍ବନିମ୍ନ -୯୦ଡିଗ୍ରୀ ସେଣ୍ଟିଗ୍ରେଡ଼ରେ ପହଞ୍ôଚ ଯାଏ।
ବୈଜ୍ଞାନିକଙ୍କ ମତ ଅନୁଯାୟୀ ଏହି ଗ୍ରହ ପୃଥିବୀର ନିକଟରେ ରହିଛି। ପୃଥିବୀଠାରୁ ମାତ୍ର ୪.୨ପ୍ରକାଶ ବର୍ଷ ଦୂରରେ ଅବସ୍ଥିତ ଏହି ଗ୍ରହର ନାମ “ପ୍ରୋକସିମା ବି’ ଅଟେ। ଏହି ଗ୍ରହରେ ବିଶାଳ ସମୁଦ୍ର ଓ ଜୀବ ଜନ୍ତୁର ସମ୍ଭାବନାକୁ ଏଡ଼ାଇ ଦିଆଯାଇ ନପାରେ। ଯେତେବେଳେ ଜୀବନର ସନ୍ଧାନ ମିଳିଛି ସେତେବେଳେ ଜୀବ ଜନ୍ତୁଙ୍କ ଅନୁସଙ୍ଗିକ ଅବଶ୍ୟକତାର ସନ୍ଧାନକୁ ନେଇ ବୈଜ୍ଞାନିକମାନେ ଗବେଷଣା ଜାରି ରଖିଛନ୍ତି। ନାସାର “ଗୋଡ଼ାର୍ଡ ଇନ୍ସଟିଚ୍ୟୁଟ ଫର ସ୍ପେସ ଷ୍ଟାଡିଜ୍’ ର ମହାକାଶ ବୈଜ୍ଞାନିକ ଡେଲ ଜୋନୟୋ ତାଙ୍କ ଅଧ୍ୟୟନରେ ଏହି ଗ୍ରହରେ ଜୀବନ ସମ୍ଭବ ବୋଲି ଦୃଢୋକ୍ତି କରିଛନ୍ତି। ଏଭଳି ଗ୍ରହରେ ଏଲିୟନ ବସବାସ କରୁଥିବା ସମ୍ଭାବନା ରହିଛି ବୋଲି ବୈଜ୍ଞାନିକ ଆଶା ପ୍ରକାଶ କରିଛନ୍ତି। ୨୦୧୬ରେ ଏହି ଗ୍ରହର ସନ୍ଧାନ ମିଳିଥିଲା। ତା’ପରଠାରୁ ଏହି ଗ୍ରହକୁ ନେଇ ବୈଜ୍ଞାନିକମାନେ ଗବେଷଣା ଜାରି ରଖିଛନ୍ତି। ଅଦ୍ୟାବଧି ଯେତେଗୁଡ଼ିକ ଅଧ୍ୟୟନ ପ୍ରୋକସିମା-ବିକୁ ନେଇ ହୋଇଛି ସବୁଥିରେ ଉକ୍ତ ଗ୍ରହରେ ପାଣି ଥିବା ପ୍ରମାଣିତ ହୋଇଛି। ବୈଜ୍ଞାନିକଙ୍କ ଏହି ଯୁକ୍ତି ଯଦି ବାସ୍ତବରେ ସତ୍ୟ ପ୍ରମାଣିତ ହୁଏ ତେବେ ଏହା ମାନବଜାତୀ ପାଇଁ ବଡ଼ ସଫଳତା ନିଶ୍ଚିତ ଏଥିରେ ସନ୍ଦେହ ନାହିଁ।
