ସମାଜ ଡିଜିଟାଲ ଡେସ୍କ: ରାସ୍ତାରେ କିମ୍ବା ଘରେ ସାପ ଦେଖିବା ସାଧାରଣତଃ ଭୟାନକ ଅଟେ। ହେଲେ କେବେ ଭାବିଛନ୍ତି କି ସକାଳୁ ସକାଳୁ ଶୌଚାଳୟକୁ ଯିବାମାତ୍ରେ ଯଦି ଆପଣ ଅଚାନକ ନାଗ ସାପ ଦେଖନ୍ତି ତେବେ କିଭଳି ଅବସ୍ଥା ହେବ। ଭୟରେ ଚିତ୍କାର କରିବା ସ୍ୱଭାବିକ। ବାସ୍ତବରେ ଏଭଳି ଏକ ଆଶ୍ଚର୍ଯ୍ୟଜନକ ମାମଲା ଛତିଶଗଡର ଦୁର୍ଗ ଜିଲାରୁ ସାମ୍ନାକୁ ଆସିଛି। ସୂଚନା ଅନୁସାରେ ଜିଲାର ବିବେକାନନ୍ଦ କଲୋନୀରେ ଅବସ୍ଥିତ ଏକ ଘରର ଶୌଚାଳୟରେ ହଠାତ ଏକ ନାଗ ସାପ ଥିବାରୁ ଦେଖିବାକୁ ମିଳିଥିଲା। ଘରେ ରହୁଥିବା ପରିବାରର ଜଣେ ସଦସ୍ୟ ସକାଳୁ ସକାଳୁ ଶୌଚାଳୟ ଯିବାବେଳେ ହଠାତ ସାପଟି ଥିବା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ଏହି ଘଟଣା ସମ୍ପର୍କରେ ତୁରନ୍ତ ସ୍ନେକ୍ ହେଲପ୍ ଲାଇନ ନମ୍ବରରେ ସୂଚନା ଦେଇଥିଲେ। ଏହାପରେ ସ୍ନେକ୍ ହେଲପ ଲାଇନର ସଦସ୍ୟ ରାଜ୍ କୁମାର ଘଟଣାସ୍ଥଳରେ ପହଂଚି ତୁରନ୍ତ ସାପଟିକୁ ଉଦ୍ଧାର କରିଥିଲେ। ଏହାପରେ ଫାଶରେ ସାପଟିକୁ ନେଇ ସୁରକ୍ଷିତ ଭାବରେ ଅନ୍ୟତ୍ର ସ୍ଥାନରେ ଛାଡି ଦେଇଥିଲେ। ସଂପୃକ୍ତ ପରିବାରର ସଦସ୍ୟମାନେ ଦୀର୍ଘ ନିଶ୍ୱାସ ନେଇଥିଲେ। ଯଦି ସାପଟିକୁ ଠିକ୍ ସମୟରେ ଧରାଯାଇନଥାନ୍ତା ତେବେ ସାପଟି ପରିବାର ସଦସ୍ୟଙ୍କୁ କ୍ଷତି ପହଞ୍ଚାଇଥାନ୍ତା।
Comments are closed.