ନୂଆଦିଲ୍ଲୀ ..- ପୁଲୁଓ୍ୱାମା ଆତଙ୍କବାଦୀ ଆକ୍ରମଣ ପରେ ବିବାଦୀୟ ମନ୍ତବ୍ୟ ଦେଇ ପୂର୍ବତନ କ୍ରିକେଟିୟର ତଥା କଂଗ୍ରେସ ନେତା ନବଜୋତ ସିଂ ସିଦ୍ଧୁ ବିବାଦରେ ଫସିଛନ୍ତି । ଏହାପରେ କଂଗ୍ରେସରୁ ତାଙ୍କୁ ବିରୋଧ କରାଯିବା ଆରମ୍ଭ ହେଲାଣି । ନବଜୋତ ସିଂ ସିଦ୍ଧୁଙ୍କୁ କଂଗ୍ରେସର ବରିଷ୍ଠ ନେତା ଦିଗ୍ ବିଜୟସିଂ ଏକ ପରାମର୍ଶ ଦେଇଛନ୍ତି । ସିଦ୍ଧୁଙ୍କୁ ତାଙ୍କ ସାଥୀ ଇମରାନ୍ ଭାଇକୁ ବୁଝାଇଦେବା ପାଇଁ ସେ ପରାମର୍ଶ ଦେଇଛନ୍ତି । ତମ ସାଥି ଇମରାନ୍ ଭାଇଙ୍କୁ ବୁଝାଇ ଦିଅ, ତାଙ୍କ ଯୋଗୁଁ ତମକୁ ଗାଳି ହେଉଛି ବୋଲି ଦିଗ୍ବିଜୟ ଉଲ୍ଲେଖ କରିଛନ୍ତି ।
Navjot Singh Sidhu ji apne Dost Imran Bhai ko samjhaiye.
— digvijaya singh (@digvijaya_28) February 19, 2019
ନିଜ ଟ୍ୱିଟରରେ ଦିଗ୍ ବିଜୟସିଂ ଏହି କଥା ଉଲ୍ଲେଖ କରିଛନ୍ତି । ପୁଲୁଓ୍ୱାମା ଆତଙ୍କବାଦୀ ଆକ୍ରମଣରେ ୪୦ ଜଣ ଯବାନ୍ ସହିଦ ହୋଇଛନ୍ତି । ଏହାପରେ ସାରା ଦେଶରେ ଜନ ଆକ୍ରୋଶ ଦେଖାଦେଇଛି ।
ପୂର୍ବରୁ ପାକିସ୍ତାନର ନିମନ୍ତ୍ରଣ ରକ୍ଷା କରି ଇମରାନ୍ଙ୍କ ଶପଥ ଗ୍ରହଣ ସମାରୋହକୁ ଯାଇ ସିଦ୍ଧୁ ସମାଲୋଚନା ଶିକାର ହୋଇଥିଲେ ।
Uski vajah se aap ko Gali padh rahi hai.
— digvijaya singh (@digvijaya_28) February 19, 2019