ଭୁବନେଶ୍ବର : ରାଜ୍ୟରେ ପୁଣି ମୁଣ୍ଡ ଟେକିଲାଣି ଝାଡାବାନ୍ତି। ପୂର୍ବରୁ ସମ୍ବଲପୁର, ରାଉରକେଲା ଝାଡାବାନ୍ତି ସ୍ବାସ୍ଥ୍ୟ ବିଭାଗ ଚିନ୍ତା ବଢାଇଥିଲା। ଏବେ ପୁଣି ବଲାଙ୍ଗିର ଓ ଗଞ୍ଜାମରେ ଝାଡାବାନ୍ତି ବ୍ୟାପିଛି। ସ୍ଥାନୀୟ ପ୍ରଶାସନ ପକ୍ଷରୁ ଏଦିଗରେ ପଦକ୍ଷେପ ନିଆଯାଇଛି। ଦୂଷିତ ପାଣି ଯୋଗୁଁ ଏଭଳି ହୋଇଥାଇପାରେ ବୋଲି ଜଣାପଡିଛି। ଅନ୍ୟପକ୍ଷରେ ସ୍ଥିତି ଉପରେ ସ୍ବାସ୍ଥ୍ୟ ବିଭାଗ ନଜର ରଖିଥିବାବେଳେ ଏଥିରେ ଏବେ ସୁଧାର ଆସିଥିବା ନେଇ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି। ଗଞ୍ଜାମ ବେଲଗୁଣ୍ଠା ଟିକରପଡାରେ ଗତ ୧୫ରୁ ଝାଡାବାନ୍ତି ବ୍ୟାପିଥିବାବେଳେ ଏପର୍ଯ୍ୟନ୍ତ ୨୭ ଜଣ ଆକ୍ରାନ୍ତ ହୋଇଛନ୍ତି। ଗତକାଲି ୩ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ନିକଟସ୍ଥ ଗୋଷ୍ଠୀ ଓ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହୋଇଥିଲେ। ଏବେ ସମସ୍ତଙ୍କ ସ୍ବାସ୍ଥ୍ୟାବସ୍ଥା ଭଲ ଥିବା ଜଣାପଡ଼ିଛି। ଅନ୍ୟପକ୍ଷରେ ବଲାଙ୍ଗିର ପୁଇଁତଲାର ଲଖପାଲି ଗ୍ରାମରେ ଝାଡାବାନ୍ତି ବ୍ୟାପିଛି। ତେବେ ଏଥିରେ ଦୁଇ ଜଣଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିବାବେଳେ ବଲାଙ୍ଗିର ଭୀମଭୋଇ ମେଡିକାଲରେ ୨ଜଣ ଚିକିତ୍ସିତ ହେଉଥିବା ଜଣାପଡ଼ିଛି। ତେବେ ଉଭୟ ସ୍ଥାନରେ ପ୍ରଶାସନ ପହଞ୍ଚି ତଦାରଖ କରିବା ସହିତ ମେଡିକାଲ ଦଳ ଯାଞ୍ଚ କରୁଛନ୍ତି। ରାପିଡ ରେସପନ୍ସ ଦଳ କାର୍ଯ୍ୟ କରୁଛନ୍ତି, ପାଣି, ଖାଦ୍ୟ ନମୁନା ଆଦି ସଂଗ୍ରହ କରାଯାଇ ପରୀକ୍ଷା କରାଯାଇଛି।
Popular Categories
Previous article
Next article