ଲାଞ୍ଜିଗଡ: କଳାହାଣ୍ଡି ଜିଲ୍ଲାର ସୀମାନ୍ତ ତଥା ଲାଞ୍ଜିଗଡ ବ୍ଲକ ଭୁର୍ଟିଗଡ଼ର ଦୁର୍ଗମ ମେର୍ଡିକୁପା ଗାଁରେ ଡାଇରିଆ ଆତଙ୍କ ଦେଖିବାକୁ ମିଳିଛି। ଗତ ୩ ଦିନ ମଧ୍ୟରେ ଏହି ଗାଁର ପ୍ରାୟ ୧୫ରୁ ଅଧିକ ଲୋକ ଡାଇରିଆ ରୋଗରେ ଆକ୍ରାନ୍ତ ହୋଇଥିବା ଜଣାପଡିଛି। ସେଥିମଧ୍ୟରୁ ଗାଁର ମାଥିଉ ନାଏକଙ୍କୁ ରାୟଗଡ଼ା ଜିଲ୍ଲା ବିଷମକଟକ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଦଇ ନାଏକ, ଶକୁନ୍ତଳା ନାଏକଙ୍କୁ ବିଶ୍ୱନାଥପୁର, ସୁମିତ୍ରା ନାଏକଙ୍କୁ ଅମ୍ବାଦଳା ହସ୍ପିଟାଲ, ତ୍ରିନାଥ ନାଏକ, କୌଶଲ୍ୟା ନାଏକ, ରାଇଧର ନାଏକ, ଗୁରୁବାରୁ ନାଏକ, କିରଣ ନାଏକଙ୍କୁ ନର୍ଲା ସ୍ଥାନାନ୍ତର କରାଯାଇଛି। ସେହିପରି ସରିତା ନାଏକ, ସାଲେଡି ନାଏକ, ଇତେଶ ନାଏକ, ପୂର୍ଣ୍ଣ ନାଏକ, ସରୋଜିନୀ ପାତ୍ର, ଗୋପୀ ପାତ୍ର ପ୍ରମୁଖ ଘରେ ରହି ଚିକିତ୍ସିତ ହେଉଛନ୍ତି। ଏ ସମ୍ପର୍କରେ ଖବର ପାଇ ଲାଞ୍ଜିଗଡ ବ୍ଲକ ଅଧ୍ୟକ୍ଷା କମଳା ପାତ୍ର ଓ ସମାଜସେବୀ ହରିଶଙ୍କର ପାତ୍ର ଗାଁରେ ପହଂଚିବା ସହିତ ପରିସ୍ଥିତିର ତଦାରଖ କରିବା ସହିତ ରୋଗୀମାନଙ୍କ ଚିକିତ୍ସା ବ୍ୟବସ୍ଥା କରାଇଛନ୍ତି।
Popular Categories
Previous article
Next article