ଗୁରୁଡିଝାଟିଆ : ଚଳିତ ମାଟ୍ରିକ ପରୀକ୍ଷାରେ କୃତୀତ୍ୱ ଅର୍ଜନ କରିଥିବା ବିଦ୍ୟାର୍ଥୀଙ୍କୁ ଯୁବନେତା ଆଦିତ୍ୟ ପ୍ରତାପ ସ୍ୱାଇଁ ମୁଖ୍ୟ ଅତିଥି ଭାବରେ ଯୋଗଦେଇ ସମ୍ବର୍ଦ୍ଧିତ କରିବା ସହ ସେମାନେ ଦେଶ ଦଶ ଓ ଆମ ଅଞ୍ଚଳକୁ ଆଗକୁ ବଢିବାରେ ପ୍ରମୁଖ ଭୂମିକା ଗ୍ରହଣ କରିବେ ବୋଲି କହିଥିଲେ । ଧୁରୁଷିଆ ପଞ୍ଚାୟତ ଉଚ୍ଚ ବିଦ୍ୟାଳୟ ପରିଚଳାନା କମିଟିର ସଭାପତି ଶ୍ରୀକର ଜେନାଙ୍କ ଅଧ୍ୟକ୍ଷତାରେ ଆୟୋଜିତ ସମ୍ବର୍ଦ୍ଧନା ଉତ୍ସବରେ ଯୁବନେତା ଶ୍ରୀ ସ୍ୱାଇଁ କହିଥିଲେ ବିଦ୍ୟାଳୟ ପାଇଁ ଗୌରବ ଆଣିଥିବା ସମସ୍ତ କୃତୀ ବିଦ୍ୟାର୍ଥୀଙ୍କୁ ଶିକ୍ଷାକ୍ଷେତ୍ରରେ ସମସ୍ତ ପ୍ରକାର ସହଯୋଗ ପ୍ରଦାନ କରାଯିବ। ସ୍ଥାନୀୟ ସରପଞ୍ଚ ସଂଯୁକ୍ତା ପାଣି ,ସମିତି ସଭ୍ୟା ବିନତୀ ଜେନା, ବିଦ୍ୟାଳୟ ପ୍ରଧାନ ଶିକ୍ଷକ ବୈକୁଣ୍ଠ ନାଥ ବିଶ୍ୱାଳ,ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ, ପୂର୍ବତନ ସରପଞ୍ଚ ହୃଦାନନ୍ଦ ସାମଲ, ଲକ୍ଷ୍ମୀପ୍ରିୟା ବେହେରା, ସରପଞ୍ଚଙ୍କ ପ୍ରତିନିଧି ମଙ୍ଗୁଳି ପାଣି, ଘଣ୍ଟିଖାଲ ସରପଞ୍ଚ ସୁବାସ ବିଶ୍ୱାଳ ପ୍ରମୁଖ ଅତିଥି ଭାବରେ ଯୋଗଦେଇ କୃତୀ ବିଦ୍ୟାର୍ଥୀ ଯଶୋବନ୍ତ ଦାଶ, ଅଂଶୁମାନ ସାହୁ, ବିଶ୍ୱଜିତ୍ ମଲ୍ଲିକ ଓ ଶୁଭସ୍ମୀତା ରାଉତ, ଆଦ୍ୟାଶା ପ୍ରିୟଦର୍ଶିନି ସାହୁ, ଇପସିତା ରାଉତ ପ୍ରମୁଖଙ୍କୁ ସଫଳତା କାମନା କରିବା ସହ ଭବିଷ୍ୟତ ଉଜ୍ୱଳ ନିମନ୍ତେ ଆଶୀର୍ବଚନ ପ୍ରଦାନ କରିଥିଲେ। ଉପସ୍ଥିତ ସମସ୍ତ କୃତୀ ବିଦ୍ୟାର୍ଥୀ ଓ ପଞ୍ଚାୟତର ବିଦ୍ୟାର୍ଥୀମାନଙ୍କୁ ମୁଖ୍ୟ ଅତିଥି ଶ୍ରୀ ସ୍ୱାଇଁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଦିତ କରିଥିଲେ।
Comments are closed.