bjd  ek lkhya koti banner

ବିଜେଡିରୁ ହିନ୍ଦୋଳର ବିଧାୟିକା ସୀମାରାଣୀ ନାଏକଙ୍କ ଇସ୍ତଫା

mission shakti banner

ଭୁବନେଶ୍ବର: ଆଜି ବିଜେଡିରୁ ହିନ୍ଦୋଳର ବିଧାୟିକା ସୀମାରାଣୀ ନାଏକ ଇସ୍ତଫା ଦେଇଛନ୍ତି। ହିନ୍ଦୋଳ ବିଧାୟିକା ସୀମାରାଣୀ ନାଏକ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ନେଇ ବିଜେଡି ସଭାପତି ତଥା ସୁପ୍ରିମୋ ନବୀନ ପଟ୍ଟନାୟକଙ୍କୁ  ଚିଠି ଲେଖିଛନ୍ତି। ୧୦ ବର୍ଷ ହେଲା ସେ ଲୋକଙ୍କର ସେବା କରିଆସୁଥିଲେ ।  ବ୍ୟକ୍ତିଗତ କାରଣରୁ ଦଳ ରହିବା ସମ୍ଭବ ନୁହେଁ। ତେଣୁ ବ୍ୟକ୍ତିଗତ ସମସ୍ୟା ପାଇଁ ଦଳର ପ୍ରାଥମିକ ପଦରୁ ଇସ୍ତଫା ଦେଇଥିବା ସେ ଚିଠିରେ ଉଲ୍ଲେଖ କରିଛନ୍ତି।

ଆଜି ଘୋଷଣା ହୋଇଥିବା ଟିକେଟ ତାଲିକାରେ ସୀମାରାଣୀଙ୍କ ବଦଳରେ ଢେଙ୍କାନାଳ ସାଂସଦ ମହେଶ ସାହୁଙ୍କୁ ପ୍ରାର୍ଥୀ ଘୋଷଣା କରିଛି ବିଜେଡି । ହିନ୍ଦୋଳରୁ ମହେଶ ସାହୁଙ୍କୁ ଟିକଟ ମିଳିବା ପରେ ନିଜର ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ ସୀମାରାଣୀ। କାରଣ ବିଧାୟିକା ସୀମାରାଣୀ ନାଏକଙ୍କ ଟିକଟ କାଟିଥିଲା ବିଜେଡି। ହିନ୍ଦୋଳ ବିଧାୟିକା ବିଜେଡିରୁ ଇସ୍ତଫା ଦେବା ପରେ ବିଜେପିରେ ସାମିଲ ହେବା ନେଇ ଚର୍ଚ୍ଚା ହେଉଛି। ଆସନ୍ତାକାଲି ନିଜ ସମର୍ଥକମାନଙ୍କ ସହିତ ସୀମାରାଣୀ ବିଜେପିରେ ସାମିଲ ହେବେ ବୋଲି ସୂଚନା ମିଳିଛି। ଏପରିକି ତାଙ୍କୁ ବିଜେପି ପକ୍ଷରୁ ହିନ୍ଦୋଳ ପାଇଁ ବିଧାୟିକା ପ୍ରାର୍ଥୀ ଟିକଟ ଦେବା ନେଇ ମଧ୍ୟ ଚର୍ଚ୍ଚାହେଉଛି।

Comments are closed.