ଢେଙ୍କାନାଳ : ଚଳନ୍ତା ଟ୍ରେନରୁ ଗଞ୍ଜେଇ ବସ୍ତା ଖସି ରବିବାର ୩ ଜଣ ଗ୍ୟାଙ୍ଗମ୍ୟାନ ଆହତ ହୋଇଥିବା ଜଣାପଡ଼ିଛି। ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଢେଙ୍କାନାଳ ଜିଲା ଶ୍ୟାମାଚରଣପୁର- ଢେଙ୍କାନାଳ ମୁଖ୍ୟ ରେଲୱେ ଷ୍ଟେସନ ମଝିରେ ଥିବା କଇଁଥପୋଲିଆ ନିକଟରେ ଏହି ଘଟଣା ଘଟିଛି। ସୂଚନା ଅନୁଯାୟୀ, ଢେଙ୍କାନାଳ ଓ ଶ୍ୟାମାଚରଣପୁର ଷ୍ଟେସନ ମଝିରେ ସମ୍ବଲପୁର – ହାୱାଡ଼ା ଏକ୍ସପ୍ରେସ ଟ୍ରେନ ଯାଉଥିବା ସମୟରେ କେହି ଦୁର୍ବୃତ୍ତ ଟ୍ରେନ ଭିତରୁ କିଛି ବସ୍ତା ଗଞ୍ଜେଇ ବାହାରକୁ ଫିଙ୍ଗିଥିଲେ। ସେହି ବସ୍ତା ଗୁଡ଼ିକ ରେଳ ଧାରଣା ନିକଟରେ କାମ କରୁଥିବା ୩ ଜଣ ଗ୍ୟାଙ୍ଗମ୍ୟାନଙ୍କ ଉପରେ ପଡ଼ିଥିଲା। ଫଳରେ ସେମାନେ ଆହତ ହୋଇଥିଲେ। ବସ୍ତାରେ ପ୍ରାୟ ୧କ୍ୱିଣ୍ଟାଲ ଗଞ୍ଜେଇ ଥିବା ଜଣାପଡ଼ିଛି। କେହି ଗଞ୍ଜେଇ ଚୋରାଚାଲାଣକାରୀ ହଠାତ ବସ୍ତା ଗୁଡ଼ିକୁ ଟ୍ରେନରୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି। ରେଲୱେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
ଚଳନ୍ତା ଟ୍ରେନରୁ ଗଞ୍ଜେଇ ବସ୍ତା ଖସି ୩ ଗ୍ୟାଙ୍ଗମ୍ୟାନ ଆହତ
Popular Categories
Previous article
Next article