ଧାମରା : ଭଦ୍ରକ ଜିଲା ଧାମରା ନିକଟସ୍ଥ କଇଥଖୋଲା ପଞ୍ଚାୟତର କନକପ୍ରସାଦ ଗ୍ରାମରେ ପାଣିରେ ବୁଡି ଦୁଇ ଜଣ ଶିଶୁଙ୍କର ମୃତ୍ୟୁ ହୋଇଥିବା ଜଣାପଡିଛି। ସୂଚନା ମୁତାବକ, କନକପ୍ରସାଦ ଗ୍ରାମର ସେକ ଅଫସାନ ଅଲ୍ଲୀଙ୍କ ଶିଶୁ ପୁତ୍ର ଏବଂ ସେକ ଅଇମୁଲ ଖାଁଙ୍କ ଶିଶୁ କନ୍ୟା ନିଜ ଘର ପାଖରେ ଖେଳୁଥିବା ବେଳେ ପାଖରେ ଥିବା ଏକ ପୋଖରୀରେ ପଡି ଯାଇଥିଲେ। ପରେ ସେମାନଙ୍କ ଘରେ ଏହି ୨ ଶିଶୁଙ୍କୁ ନ ପାଇବାରୁ ପାଖ ପୋଖରୀରେ ଖୋଜିଥିଲେ। ପୋଖରୀ ମଧ୍ୟରୁ ୨ଜଣଙ୍କ ଶବ ଉଦ୍ଧାର କରାଯାଇଥିଲା। ଏହି ୨ଜଣଙ୍କୁ ଧାମରା ଡାକ୍ତରଖାନା ଆଣିଥିଲେ ମଧ୍ୟ ଡାକ୍ତର ୨ଜଣ ଶିଶୁଙ୍କୁ ମୃତ ଘୋଷଣା କରିଥିଲେ।
