ଧାମନଗର: ଉପନିର୍ବାଚନ ପାଇଁ ଧାମନଗରରେ କେନ୍ଦ୍ରୀୟ ବଳଙ୍କ ଫ୍ଲାଗମାର୍ଚ୍ଚ । ଧାମନଗର ବଜାର ସମେତ ଦୋବେଲ, କୋଠାର, ବନ୍ଧଟିଆ, ଅଶୁରାଳି, ଧୁଷୁରୀ ଓ ଭଗବାନପୁର ପରି ବିଭିନ୍ନ ଅଞ୍ଚଳରେ କେନ୍ଦ୍ରୀୟ ବଳ ପକ୍ଷରୁ ଫ୍ଲାଗମାର୍ଚ୍ଚ କରାଯାଉଛି । ତାହାସହ ସମ୍ପୃକ୍ତ ଅଞ୍ଚଳରେ ପୁଲିସ ମୁତୟନ ହୋଇଛନ୍ତି । ଶାନ୍ତି ଶୃଙ୍ଖଳାରେ ନିର୍ବାଚନ କରିବାକୁ ବ୍ୟବସ୍ଥା କରାଯାଉଛି । ସେପଟେ ନିର୍ବାଚନ ଯେତିକି ଯେତିକି ପାଖେଇ ଆସୁଛି ବଢ଼ୁଛି ପ୍ରଚାରର ତାତି । ଧାମନଗର ନିର୍ବାଚନ ମଣ୍ଡଳିରେ ଦେଖିବାକୁ ମିଳୁଛି ବଡ଼ ବଡ଼ ନେତା ଓ ମନ୍ତ୍ରୀଙ୍କ ଭିଡ଼ । ଆଜି ମଧ୍ୟ ବିଜେଡି, ବିଜେପି, କଂଗ୍ରେସ ଓ ସ୍ୱାଧୀନ ପକ୍ଷରୁ ଜୋରଦାର ପ୍ରଚାର କରାଯାଇଛି ।
Comments are closed.