ଧାମରା :ଧାମରା ଠାରେ ଥିବା ୟୁକୋ ବ୍ୟାଙ୍କର ୮୩ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି। ଏହି ପ୍ରତିଷ୍ଠା ଦିବସରେ ମୁଖ୍ୟ ଅତିଥି ଭାବେ ସମାଜସେବୀ ନରହରି ମଲିକ ଯୋଗଦେଇ ଧାମରା ଅଞ୍ଚଳରେ ୟୁକୋ ବ୍ୟାଙ୍କ ଦୀର୍ଘ ୪୫ବର୍ଷ ହେବ ଧାମରା ଆଠ ପଂଚାୟତରେ ସେବା ଯୋଗାଇବା ସହ ସମସ୍ତ ଗ୍ରାହକମାନଙ୍କ ସହ ସୁସମ୍ପର୍କ ସ୍ଥାପନା କରିଆସିବା ସହ ସବୁବେଳେ ଗ୍ରାହକଙ୍କୁ କିପରି ସେବା ଯୋଗାଇଲେ ଆଗାମୀ ଦିନରେ ବ୍ୟାଙ୍କ ସହ ବାଣିଜ୍ୟିକ ସମ୍ଭନ୍ଧ ବଢିପାରିବ ସେ ବିଷୟରେ ଆଲୋକପାତ କରିଥିଲେ। ଆଗାମୀ ଦିନରେ ଏହି ବ୍ୟାଙ୍କର ପରିସୀମା ବ୍ୟାପକ କରାଯିବା ଉଚିତ ବୋଲି ଅତିଥିମାନେ ନିଜ ନିଜର ବକ୍ତବ୍ୟ ରଖିଥିଲେ।
ଆଜିର ଏହି ଦିବସରେ ଶାଖା ପରିଚାଳକ ସଭାଟିକୁ ପରିଚାଳନା କରିଥିଲେ। ଅନ୍ୟ ମାନଙ୍କ ମଧ୍ୟରେ ବ୍ୟାଙ୍କ ଶାଖାର ସତ୍ୟଶିବ ପଣ୍ଡା, ଶୁଭଙ୍କର ମିଶ୍ର, ସୌମ୍ୟରଞନ ବିଶ୍ୱାଳ, ପ୍ରତାପ କୁମାର ବେହୁରା, ଅମୁଲ୍ୟ କୁମାର ବେହୁରା, ସସ୍ମିତା ନାୟକ, ପ୍ରଦ୍ୱୀପ ନାୟକ, ସୁବାଶ ମହାଳିକ ସମାଜସେବୀ ପିତାମ୍ବର ଦାସ, ସଦାନନ୍ଦ ବିଶ୍ୱାଳ, ଖଗେଶଯବର ନାୟକ, ଭାଗିରଥି ସାମଲ, ଚନ୍ଦ୍ରକାନ୍ତ ବଳ, ଶରତ ମଳିକ ଙ୍କ ସମେତ ବହୁ ଗ୍ରାହକ ଯୋଗ ଦେଇ ବ୍ୟାଙ୍କ ଯୋଗାଇ ଦେଉଥିବା ସେବା ବିଷୟରେ ବକ୍ତବ୍ୟ ରଖିଥିଲେ। ଶେଷରେ ସହକାରୀ ପରିଚାଳକ ଶୁଭଙ୍କର ମିଶ୍ର ଧନ୍ୟବାଦ ଅର୍ପଣ କରିଥିଲେ।
Comments are closed.