ଧାମରାରେ କଇଁଛ ସୁରକ୍ଷା ଏବଂ ବ୍ୟକ୍ତିଗତ ସାମାଜିକ ଓ ପାରିପାର୍ଶ୍ବିକ ପରିମଳ ସଚେତନତା କାର୍ଯ୍ୟକ୍ରମ

ଧାମରା: ଧାମରା ବନପାଳଙ୍କ ଅଫିସ ପ୍ରାଙ୍ଗଣରେ ବନପାଳ ଗଦାଧର ବିଶ୍ୱାଳଙ୍କ ପରିଚାଳନାରେ କଇଁଛ ସୁରକ୍ଷା ଏବଂ ବ୍ୟକ୍ତିଗତ ସାମାଜିକ ଓ ପାରିପାର୍ଶ୍ବିକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଦ୍ରକ ଡିଏଫଓ ପୂର୍ଣିମା ପାଣ୍ଡିଆନ ଯୋଗ ଦେଇ ଅଲିଭରିଡଲେ କଇଁଛ.ମାନଙ୍କ ସୁରକ୍ଷା ଉପରେ ଗୁରୁତ୍ୱ ଦେଇ କିପରି ଭାବରେ ଯାନ୍ତ୍ରିକ ଭୁଟୁଭୁଟି, ଟ୍ରଲର ପ୍ରଭାବରୁ ଏହି କଇଁଛମାନଙ୍କୁ ସୁରକ୍ଷା ଦେବା ସହ କଇଁଛମାନଙ୍କ ଜୀବନ ଶୈଳୀ ଏବଂ ପରିବେଶ ଉପରେ ତାହାର ପ୍ରଭାବ ଉପରେ ଆଲୋକପାତ କରିଥିଲେ। ହଜାର ହଜାର କିଲୋମିଟର ଦୂରରୁ ଆସି ଅଲିଭ ରିଡଲେ କଇଁଛ କିପରି ଭାବରେ ସମୂହ ଅଣ୍ଡାଦାନ କରିବା ପରେ ସେମାନେ ପୁନଶ୍ଚ ପ୍ରତ୍ୟାବର୍ତନ କରୁଛନ୍ତି ଓ ଓଡିଶା ବନବିଭାଗ ସେମାନଙ୍କ ଅଣ୍ଡାକୁ ସୁରକ୍ଷା ଦିଆଯିବା ସହ କିପରି କଇଁଛ ଶାବକ ମାନଙ୍କୁ ସୁରକ୍ଷା ଦିଆଯାଇ ସେମାନଙ୍କୁ ପୁନଶ୍ଚ ସମୁଦ୍ରକୁ ମଧ୍ୟକୁ ଛଡା ଯାଉଛି ସେ ବିଷୟରେ ଲୋକମାନଙ୍କୁ ଅବଗତ କରାଇଥିଲେ।ଏଥିସହ କୋବିଦ ନିୟମକୁ ଦୃଷ୍ଟିରେ ରଖି ସାମାଜିକ ଦୂରତା ରକ୍ଷା କରିବା ସହ ଉପସ୍ଥିତ ଅଂଚଳବାସୀ ଏବଂ ଟ୍ରଲର ଚାଳକମାନଙ୍କୁ ମାସ୍କ, ସାବୁନ,ଭିଟାମିନ ଟାବଲେଟ ଓ ସାନିଟାଇଜର ଶତାଧିକ ଉପସ୍ଥିତ ମାନଙ୍କୁ ବଂଟନ କରାଯାଇଥିଲା। ଧାମରା ବନପାଳ ଗଦାଧର ବିଶ୍ୱାଳ ଉକ୍ତ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଅନ୍ୟ ମାନଙ୍କ ମଧ୍ୟରେ ଚାନ୍ଦବାଲି ଏସିଏଫ ସାଧନ ବେହେରା, ଚାନ୍ଦବାଲି ରେଞର ସୁବାଶ ନାୟକଙ୍କ ସମେତ ଚାନ୍ଦବାଲି ବନ୍ୟପ୍ରାଣୀ ରେଞର ସମସ୍ତ କର୍ମକର୍ତା ମାନେ ଏହି କାର୍ଯ୍ୟକ୍ରମରେ ଯୋଗ ଦେଇ ନିଜ ନିଜର ବକ୍ତବ୍ୟ ରଖିଥିଲେ। ଶେଷରେ ବନପାଳ ଗଦାଧର ବିଶ୍ୱାଳ ସେମାନଙ୍କୁ ଧନ୍ୟବାଦ କରିବା ସହ କାର୍ଯ୍ୟକ୍ରମର ପରିସମାପ୍ତି ଘଟିଥିଲା।