ପାଟଣା : ପାଟଣା ଥାନା ଅଞ୍ଚଳ ସାହାରପଡା ବ୍ଲକ ଖଣ୍ଡେଇପଡା ଗ୍ରାମର ଭୋଳପଡା ସୀମାରେ ଆଜି ପାଟଣା ଥାନାଧିକାରୀ ବିବତ୍ସ ପ୍ରଧାନଙ୍କ ନେତୃତ୍ୱରେ ପାଟଣା ପୁଲିସ ୨ଟି ଚୋରା ମଦ ଭାଟିରେ ଚଢ଼ାଉ କରିଛି । ଏହି ମଦଭାଟି ଦ୍ୱୟରୁ ପୁଲିସ ମୋଟ ୫ ହଜାର ୫ ଶହ କେଜି ମହୁଲ ପୋଚ ଜବତ କରିବା ସହ ସମସ୍ତ ମଦରନ୍ଧା ସରଞ୍ଜାମକୁ ପୁଲିସ ନଷ୍ଟ କରିଛି। ଏହା ଛଡ଼ା ଭାଟିରେ ପ୍ରସ୍ତୁତ ହୋଇ ରହିଥିବା ୧୫୦ ଲିଟର ମହୁଲି ମଦକୁ ଜବତ କରାଯିବା ସହ ଥାନାକୁ ଅଣାଯାଇଛି। ଏନେଇ ପାଟଣା ଥାନାରେ ୨୮୯/୨୦୨୪ ଏବଂ୨୯୦/୨୦୨୪ ମୂଳେ ୫୨(କ)ଓଡ଼ିଶା ଅବକାରୀ ଆଇନରେ ମାମଲା ରୁଜୁ କରାଯାଇଛି। ଚଢ଼ାଉ ପୂର୍ବରୁ ମାଫିଆମାନେ ଫେରାର ହୋଇଯାଇଥିବାରୁ ଗିରଫଦାରୀ ସମ୍ଭବ ହୋଇପାରିନାହିଁ ।
Comments are closed.