ବାସୁଦେବପୁର: ଭଦ୍ରକ ଜିଲା ବାସୁଦେଦପୁର ଓ ତିହିଡି ବ୍ଲକରେ ଶିକ୍ଷାର ବିକାଶ ପାଇଁ କେନ୍ଦ୍ରୀୟ ବିଦ୍ୟାଳୟ ସ୍ଥାପନ କରିବାକୁ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନିକଟରେ ଦାବି ହୋଇଛି। ବାସୁଦେବପୁରର ଯୁବନେତା ତଥା ଜିଲ୍ଲା ବିଜେପି ଉପସଭାପତି ରଦ୍ରନାରାୟଣ ମଲ୍ଲିକ କେନ୍ଦ୍ର ଶିକ୍ଷାମନ୍ତ୍ରୀଙ୍କ ନୂଆଦିଲ୍ଲୀସ୍ଥିତ ବାସଭବନରେ ସାକ୍ଷାତ କରି ଲିଖିତ ଭାବେ ଅବଗତ କରାଇଛନ୍ତି। ଏଥି ସହିତ ନୂତନ ଡାକଘର ପ୍ରତିଷ୍ଠା ଏବଂ ଭାରତୀୟ ଷ୍ଟେଟ ବ୍ୟାଙ୍କର ଅଧିକ ଗୋଟିଏ ଶାଖା ଖୋଲିବା ପାଇଁ ଦାବିପତ୍ରରେ ଉଲ୍ଲେଖ କରାଯାଇଛି।
ବାସୁଦେବପୁର ସହରରେ ଗୋଟିଏ ଭାରତୀୟ ଷ୍ଟେଟ ବ୍ୟାଙ୍କ ଶାଖା ରହିଥିବା ବେଳେ ଗ୍ରାହକମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଗୋଟିଏ ଶାଖାରେ ପ୍ରବଳ ଭିଡ ରହୁଥବାକୁ ଆଉ ଏକ ଶାଖା ଖୋଲିବା ପାଇଁ ଦାବି କରାଯାଇଛି। ଆଗମୀ ଦିନରେ ଏ ଦିଗରେ ଆବଶ୍ୟକ ପଦକ୍ଷେପ ନିଆଯିବ ବୋଲି ପ୍ରଧାନ ପ୍ରକାଶ କରିଥିବା ଜଣାଇଛନ୍ତି। ଦାବିପତ୍ର ପ୍ରଦାନ ସମୟରେ ବାସୁଦେବପୁର ପୌରପାଳିକାର କାଉନସିଲର ଜଗବନ୍ଧୁ ଦାସ ଉପସ୍ଥିତ ଥିଲେ।
