ଆଠଗଡ : ଆଠଗଡ ବନାଞ୍ଚଳ ଅନ୍ତର୍ଗତ କନ୍ଦରପୁର ରାସ୍ତାରେ ଏକ ଅଜଣା ଗାଡି ଧକ୍କାରେ ଗୋଟିଏ ମାଈ ହରିଣର ମୃତ୍ୟୁ ହୋଇଥିବା ଦେଖିବାକୁ ମିଳିଛି। ଆଠଗଡ ମୁଣ୍ଡଳି ଭାୟା କନ୍ଦରପୁର ରାସ୍ତାର କନ୍ଦରପୁର ସବରସାହି ନିକଟରେ ଏହି ଘଟଣା ଘଟିଛି । ନିକଟସ୍ଥ ସୁକାଶନ ସଂରକ୍ଷିତ ଜଙ୍ଗଲରୁ ପାଣି ପିଇବା ପାଇଁ ରାସ୍ତା ପାର ହୋଇ ଜନବସତି ଆଡକୁ ଚାଲି ଆସିଥିବା ଏହି ହରିଣ ଛୁଆଟିକୁ ଏକ ଗାଡି ଧକ୍କା ଦେଇ ପଳାଇଥିଲା । ରେଞ୍ଜର ରବିନ୍ଦ୍ର କୁମାର ନାୟକ ସୂଚନା ପାଇ ତୁରନ୍ତ ବରପାଳ ସବିତା ରାଉତ ଓ ବନରକ୍ଷୀ ପ୍ରଶାନ୍ତ ପରିଡାଙ୍କୁ ଘଟଣାସ୍ଥଳକୁ ପଠାଇଥିଲେ । ହରିଣଟି ଘଟଣାସ୍ଥଳରେ ମରିଯାଇଥିବାରୁ ତାକୁ ବନଖଣ୍ଡସ୍ଥିତ ନର୍ସରୀକୁ ଅଣାଯାଇଥିଲା । ସେଠାରେ ସହକାରୀ ବନ ସଂରକ୍ଷକ ଡାକ୍ତର ଚିଚିଲିଚି ବିଶ୍ବାଳଙ୍କ ଉପସ୍ଥିତିରେ ଆଠଗଡ ପ୍ରାଣୀ ଚିକିତ୍ସକ ମୃତ ହରିଣର ମୃତଦେହ ବ୍ୟବଚ୍ଛେଦ କରିବା ପରେ ନର୍ସରୀ ମଧ୍ୟରେ ପୋତି ଦିଆଯାଇଥିଲା ।
Popular Categories
Previous article
Next article