କେଶଦୁରାପାଳ : ଜଣେ ଯୁବକର ମୃତଦେହ ଉଦ୍ଧାର ହୋଇଥିବାବେଳେ ତାକୁ କେହି ହତ୍ୟା କରିଥିବା ନେଇ ପରିବାର ଲୋକ ସନ୍ଦେହ କରିଛନ୍ତି । ସୂଚନା ଅନୁସାରେ, ଆନନ୍ଦପୁର ଥାନା ଅନ୍ତର୍ଗତ ପଇତପାଣି ଜଙ୍ଗଲ ନିକଟରୁ ଜଣେ ବ୍ୟକ୍ତିର ମୃତଦେହ ଉଦ୍ଧାର ହୋଇଛି। ମୃତକ ଜଣକ ସେହି ଗ୍ରାମର ପ୍ରତାପ ନାୟକ। ସେ ଗତକାଲି ବିଲକୁ ଯାଇଥିବାବେଳେ ଘରକୁ ନଫେରିବାରୁ ପରିବାର ଲୋକ ଖୋଜିବାକୁ ଯାଇଥିଲେ। ବିଲ ପାଖରେ ମୃତଦେହ ଦେଖିବା ପରେ ସରପଂଚଙ୍କୁ ଡାକି ମେଡିକାଲକୁ ଆଣିଥିଲେ। ଶବ ବ୍ୟବଚ୍ଛେଦ ପାଇଁ ଖବର ପାଇ ପୁଲିସ ଘଟଣା ସ୍ଥଳରେ ପହଁଚି ତଦନ୍ତ ଜାରି ରଖୁଛି। ମୃତକ ଦେହରେ ହଣାଦାଗ ଥିବାରୁ ତାକୁ କେହି ହତ୍ୟା କରିଥିବା ପରିବାର ଲୋକ ସନ୍ଦେହ ପ୍ରକାଶ କରିଛନ୍ତି ।
Comments are closed.