କେଶଦୁରାପାଳ : ଚାଷ ଜମିରୁ ଯୁବକର ମୃତଦେହ ଉଦ୍ଧାର ହୋଇଥିବା ବେଳେ ଏହା ପୂର୍ବ ଶତ୍ରୁତାକୁ ନେଇ ହତ୍ୟା ସଂନ୍ଦେହ କରାଯାଉଛି । ସୂଚନାରୁ ଜଣାଯାଏ, ଘଷିପୁରା ଥାନା ଅନ୍ତର୍ଗତ ଖାଳିଆମେଣ୍ଟା ପଞ୍ଚାୟତ ଗୋପାଳପୁର ଗାଁ ନିକଟରେ ଗୋଟିଏ ମୃତଦେହ ପଡି ରହିଥିଲା। ଘଟଣା ପ୍ରଘଟ ପରେ ମୃତଦେହଟି ଖାଳିଆମେଣ୍ଟା ହରିଜନ ସାହିର ହୃଷିକେଶ ଜେନାଙ୍କର ବୋଲି ପରିଚୟ ମିଳିଛି । ହୃଷିକେଶଙ୍କ ବାପାଙ୍କ କହିବା ଅନୁଯାୟୀ ସେ ଗତକାଲି ସକାଳୁ ଘରୁ କାମ କରିବାକୁ ଯାଇ ଆଉ ଫେରିନଥିଲେ । ତେବେ କିଛି ଦିନ ପୂର୍ବରୁ ଗାଁର ଅନ୍ୟ ଜଣେ ଯୁବକଙ୍କ ସହିତ ହୃଷିକେଶଙ୍କର କୌଣସି ଘଟଣାକୁ ନେଇ ଝଗଡା ହୋଇଥିଲା। ପୂର୍ବ ଝଗଡାକୁ କେନ୍ଦ୍ରକରି ଗାଁର ସେହି ଯୁବକ ତାଙ୍କ ପୁଅକୁ ହତ୍ୟା କରିଥିବା ଅଭିଯୋଗ କରିଛନ୍ତି । ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ କରିବା ସହିତ ସାଇଣ୍ଟିଫିକ ଟିମ ପହଞ୍ଚିବା ପରେ ଶବ ବ୍ୟବଚ୍ଛେଦ କରିଥିବା ବେଳେ ପୁଲିସ ଏହି ଘଟଣାରେ ଦୁଇଜଣଙ୍କୁ ଅଟକ ରଖି ପଚରା ଉଚରା କରୁଥିବା ଘସିପୁରା ଥାନା ଅଧିକାରୀ ଶ୍ୟାମଘନ ବେହେରା ପ୍ରକାଶ କରିଛନ୍ତି ।
Comments are closed.