ବଲାଙ୍ଗୀର : ବଲାଙ୍ଗୀର ଜିଲା ବେଲପାହାଡ ଭରୁଆମୁଣ୍ଡା ଗ୍ରାମରେ ଜଣେ ନାବାଳିକାଙ୍କ ମୃତଦେହ ଉଦ୍ଧାର ହୋଇଛି। ତାଙ୍କ ମୃତଦେହ ଗାଧୁଆ ଘର ଟାଙ୍କି ଭିତରୁ ମିଳିଛି। ମୃତକଙ୍କ ନାମ ରଶ୍ମିତା। ଏ ଘଟଣାକୁ ନେଇ ପୁଲିସ ନାବାଳିକାଙ୍କ ସାବତ ମାଆଙ୍କୁ ସନ୍ଦେହରେ ଗିରଫ କରିଥିବା ଜଣାପଡିଛି। ପୁଲିସ ମୃତଦେହ ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଆରମ୍ଭ କରିଛି।
Related Posts
ସୂଚନାଯୋଗ୍ୟ ଯେ, ଭରୁଆମୁଣ୍ଡା ଗ୍ରାମର ପ୍ରଦୀପ ମେହେରଙ୍କ ଝିଅ ରଶ୍ମିତା ଗୁରୁବାର ଅପରାହ୍ନ ଠାରୁ ନିଖୋଜ ହୋଇଯାଇଥିଲେ। ପରିବାର ଲୋକେ ତାଙ୍କୁ ଖୋଜାଖୋଜି କରିବା ପରେ ମଧ୍ୟ ନ ପାଇବାରୁ ବେଲପାହାଡ ଥାନାରେ ଖବର ଦେଇଥିଲେ। ତେବେ ଗୁରୁବାର ସନ୍ଧ୍ୟା ସମୟରେ ଗାଧୁଆ ଘର ଟାଙ୍କିରୁ ତାଙ୍କ ମୃତଦେହ ମିଳିଥିଲା।