ଆରଡି: ଭଦ୍ରକ ଜିଲା ଧୁଷୁରୀ ଥାନା ଅଧିନସ୍ଥ ମୁଆଁଗାଁ ବିଦ୍ୟାଳୟ ବାରଣ୍ଡାରେ ଜଣେ ଅଚିହ୍ନା ବୃଦ୍ଧଙ୍କର ମୃତଦେହ ପଡିରହିଛି। ଏନେଇ ଗାଁ ଲୋକ ପୁଲିସକୁ ଖବର ଦେଇଥିଲେ। ଖବର ପାଇ ଧୁଷୁରୀଥାନା ଓ ଆରଡି ଫାଣ୍ଡି ପୁଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଚଳାଇଥିଲେ। ମୁଆଁ ଗାଁର ଲୋକଙ୍କ କହିବା ଅନୁଯାୟୀ ଗତ ୧୦-୧୨ ଦିନ ହେବ ଏହି ବୃଦ୍ଧଜଣକ ଏହି ଗାଁ ସମେତ ଆରଡି ଓ ଆଖପାଖ ଅଞ୍ଚଳରେ ଦିନତମାମ ବୁଲେ ଓ ସଂଧ୍ୟା ହେଲେ ଆସି ଏହି ବିଦ୍ୟାଳୟ ବାରାଣ୍ଡାରେ ଆଶ୍ରୟ ନିଏ। ହେଲେ ଆଜି ସକାଳୁ ବୃଦ୍ଧ ଜଣକ ଚେତାଶୂନ୍ୟ ହୋଇ ପଡିରହିଥିବା ଗ୍ରାମବାସୀ ଦେଖି ପୁଲିସକୁ ଖବର ଦେଇଥିଲେ। ସେହି ବୃଦ୍ଧ ଜଣଙ୍କୁ ତାଙ୍କ ଘର ଓ ଗାଁ ସମ୍ବନ୍ଧରେ ପଚାରିଲେ ମଧ୍ୟ କିଛି କହେ ନାହିଁ ବୋଲି ଗ୍ରାମବାସୀ କହିଛନ୍ତି।
Comments are closed.