ଧର୍ମଶାଳା : ବୌଦ୍ଧ ଧର୍ମର ସର୍ବୋଚ୍ଚ ଗୁରୁ ଦଳାଇ ଲାମା ଯୁକ୍ତରାଷ୍ଟ୍ର ଆମେରିକାରେ ଜନ୍ମିତ ଓ ପରିବର୍ଦ୍ଧିତ ମଙ୍ଗୋଲୀୟ ବାଳକଙ୍କୁ ତିବ୍ଦତୀୟ ବୌଦ୍ଧ ଧର୍ମାବଲମ୍ବୀଙ୍କ ତୃତୀୟ ସର୍ବୋଚ୍ଚ ଲାମା ତଥା ଦଶମ ‘ଖାଲ୍କା ଜେଷ୍ଟନ ଢାମ୍ପା ରିନ୍ପୋଚେ’ ଭାବେ ନିଯୁକ୍ତି ଦେଇଛନ୍ତି । ହିମାଚଳ ପ୍ରଦେଶର ଧର୍ମଶାଳାଠାରେ ମାର୍ଚ୍ଚ ୮ରେ ଅନୁଷ୍ଠିତ ଏକ ଉତ୍ସବରେ ଏହି ନିଯୁକ୍ତି ପ୍ରକ୍ରିୟା ଶେଷ ହୋଇଛି। ଉତ୍ସବରେ ବୌଦ୍ଧ ଧର୍ମର ଅନ୍ୟ ଗୁରୁ ତଥା ନେତାମାନେ ଉପସ୍ଥିତ ଥିଲେ। ନୂତନ ଲାମାଙ୍କର ଆଉ ଜଣେ ଯାଆଁଳା ଭାଇ ଥିବାବେଳେ ବାପା ଜଣେ ବିଶ୍ବବିଦ୍ୟାଳୟ ପ୍ରାଧ୍ୟାପକ। ତାଙ୍କ ଜେଜେ ବାପା ମଙ୍ଗୋଲିଆ ସଂସଦର ସଦସ୍ୟ ଥିଲେ। ଏହି ନିଯୁକ୍ତି ନେଇ ଚୀନ୍ ବିରକ୍ତି ପ୍ରକାଶ କରିଛି; କାରଣ ଚୀନ୍ ସରକାର କେବଳ ତାଙ୍କର ଲାମା ନିଯୁକ୍ତି ଓ ବୌଦ୍ଧ ଧର୍ମର ନେତାଙ୍କୁ ସ୍ବୀକୃତି ଦେବାର ଅଧିକାର ରହିଥିବା ଦାବି କରିଆସୁଛନ୍ତି। ଏଥିସହିତ ଏକଚାଟିଆ ଭାବେ ଦଲାଇ ଲାମାଙ୍କ ଉତ୍ତରାଧିକାରୀ ସ୍ଥିର କରାଯାଇଥିବା କୁହାଯାଉଛି ।
Comments are closed.