କଟକ : ନବବର୍ଷ ୨୦୨୦ ଉପଲକ୍ଷେ ରାଜ୍ୟ ପୁଲିସ ମୁଖ୍ୟାଳୟ ଠାରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆରକ୍ଷୀ ମହାନିର୍ଦ୍ଦେଶକ ଅଭୟ ମହାନ୍ତି ଏହି କାର୍ଯ୍ୟକ୍ରମରେ ମୁଖ୍ୟ ଅତଥି ଭାବେ ଅଂଶ ଗ୍ରହଣ କରି ସମସ୍ତଙ୍କୁ ନବବର୍ଷର ଶୁଭକାମନା ଜଣାଇବା ସହ କର୍ତ୍ତବ୍ୟ ପ୍ରତି ସଜାଗ ଓ ସଚେତନ ରହିବାକୁ ପରାମର୍ଶ ଦେଇଥିଲେ।
ଗତ ୨୦୧୯ ବର୍ଷରେ ରାଜ୍ୟ ପୁଲିସ ଅପରାଧର ବଭିନ୍ନ ବିଭାଗରେ ଖୁବ ସଫଳତା ହାସଲ କରିଥିଲା। ସାଧାରଣ ନିର୍ବାଚନ ଠାରୁ ଆରମ୍ଭ କରି ଆଇନ ଶୃଙ୍ଖଳା ଓ ଅନ୍ୟାନ୍ୟ କାର୍ଯ୍ୟକ୍ରମକୁ ଖୁବ ସଫଳ ଭାବେ ପରିଚାଳନା କରାଯାଇଥିଲା। ଚଳିତ ବର୍ଷ ମଧ୍ୟ ରାଜ୍ୟ ପୁଲିସ ଖୁବ ଦକ୍ଷତାର ସହ କାମ କରି ଅପରାଧ ନିୟନ୍ତ୍ରଣ କ୍ଷେତ୍ରରେ ସଫଳତା ହାସଲ କରିବ। ଏହି ଅବସରରେ ଆରକ୍ଷୀ ମହାନିର୍ଦ୍ଦେଶକ ଅଭୟ ଏକ ଲୋକାଭିମୁଖୀ ପୁଲିସ ଉପରେ ଗୁରୁତ୍ବ ପ୍ରଦାନ କରିବା ସହ ରାଜ୍ୟ ସରକାରଙ୍କ ପ୍ରଦତ୍ତ ୫ଟି ଓ ମୋ ସରକାର କାର୍ଯ୍ୟକ୍ରମକୁ ପୁଲିସ ବିଭାଗରେ ସଫଳତାର ସହ କାର୍ଯ୍ୟକାରୀ କରାଯିବ ବୋଲି କହିଥିଲେ। ଓଡ଼ିଶା ପୁଲିସ ପାଇଁ ଅନେକ ଆହ୍ବାନ ଥିଲେ ମଧ୍ୟ ଆମେ ସମେସ୍ତ ଏକାଠି ଦଳଗତ ଭାବ କାର୍ଯ୍ୟକରି ସମସ୍ତ ଆହ୍ବାନକୁ ଅତିକ୍ରମ କରିପାରିବ ଓ ଓଡ଼ିଶା ପୁଲିସର ସୁନାମକୁ ଆହୁରି ଉଚ୍ଚାରେ ପହଞ୍ଚାଇ ପାରିବା ବୋଲି ଅଭୟ ଏହି ଅବସରରେ ପ୍ରକାଶ କରିଥିଲେ। ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ବିନୟତୋଷ ମିଶ୍ରଙ୍କ ପୌରୋହିତ୍ୟରେ ଆୟୋଜିତ ଏହି ବନ୍ଧୁ ମିଳିନ କାର୍ଯ୍ୟକ୍ରମରେ ବହୁ ବରିଷ୍ଠ ପୁଲିସ ଓ ରାଜ୍ୟ ପୁଲିସ ମୁଖ୍ୟାଳୟର ସମସ୍ତ କର୍ମଚାରୀମାନେ ଉପସ୍ଥିତ ରହି ପରଷ୍ପରକୁ ନବବର୍ଷର ଶୁଭେଚ୍ଛା ଜଣାଇଥିଲେ।
