ଅଯୋଧ୍ୟାକୁ ଭଗବାନ ଶ୍ରୀରାମଙ୍କ ନଗରୀ ବୋଲି କୁହାଯାଏ। ମାନ୍ୟତା ରହିଛି ଯେ ଏଠାରେ ପ୍ରଭୁ ହନୁମାନ ସର୍ବଦା ବିରାଜମାନ କରିଥାଆନ୍ତି।
ହନୁମାନ ଗଦୀ ଶ୍ରୀ ହନୁମାନଙ୍କ ମନ୍ଦିର ମାନଙ୍କ ମଧ୍ୟରୁ ମୁଖ୍ୟ ଅଟେ। ଏହା ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌ ଠାରୁ ୧୦୦ କିଲୋମିଟର ଦୂର ସୀତାପୁର ଜିଲାରେ ଅଯୋଧ୍ୟା ନିକଟରେ ଅବସ୍ଥିତ। ଏଠାରେ ହନୁମାନଙ୍କର ଲାଲ ରଙ୍ଗର ମୂର୍ତ୍ତି ରହିଛି।
ଏଠାରେ ପ୍ରଥମେ ହନୁମାନଙ୍କୁ ଦର୍ଶନ କରିବାର କାରଣ …..
ଶାସ୍ତ୍ରରେ ଉଲ୍ଲେଖ ରହିଛି ପ୍ରଭୁ ଶ୍ରୀରାମ ଲଙ୍କାରୁ ବିଜୟ ଲାଭ କରି ଅଯୋଧ୍ୟାକୁ ଫେରି ଆସିବା ପରେ ତାଙ୍କର ପ୍ରିୟ ଭକ୍ତ ହନୁମାନଙ୍କୁ ରହିବା ନିମନ୍ତେ ଏଠାରେ ସ୍ଥାନ ଦେଇଥିଲେ ଏବଂ ଆଶୀର୍ବାଦ ଦେଇଥିଲେ , ଯେଉଁ ଭକ୍ତ ମାନେ ମତେ ଦର୍ଶନ କରିବାକୁ ଆସିବେ ପ୍ରଥମେ ତୁମକୁ ଦର୍ଶନ କରିବେ। ତେଣୁ ପ୍ରଥମେ ଏଠାରେ ହନୁମାନଙ୍କୁ ଦର୍ଶନ କରାଯାଏ।
ମନ୍ଦିରର ବିଶେଷତ୍ୱ ….
ଏହି ମନ୍ଦିରରେ ଦକ୍ଷିଣ ମୁଖୀ ହନୁମାନଙ୍କ ମୂର୍ତ୍ତି ରହିଛି । ଏହା ସର୍ବଦା ପୁଷ୍ପରେ ଶୋଭିତ ହୋଇ ରହିଥାଏ। ଏଠାରେ ହନୁମାନଙ୍କୁ ପୂଜା କଲେ ସମସ୍ତ ଗ୍ରହ ଶାନ୍ତି ହେବା ସହ ବହୁ ପୁଣ୍ୟ ମିଳିଥାଏ। ଜୀବନର ସମସ୍ତ ବାଧାବିଘ୍ନ ଦୂର ହୋଇଥାଏ।
ଗମନାଗମନ ଦୃଷ୍ଟିରୁ …..
ଅଯୋଧ୍ୟା ଠାରୁ ଲକ୍ଷ୍ନୌ , ବାରଣାସୀ , ଗୋରଖପୁର ,ଆଲ୍ଲାବାଦ , ଦିଲ୍ଲୀ ନିକଟତମ ସ୍ଥାନ ଅଟେ। ଏହି ସମସ୍ତ ସ୍ଥାନକୁ ରେଳ ଓ ବିମାନ ସୁବିଧା ରହିଛି । ସେଠାରୁ ସୁବିଧାରେ ହନୁମାନ ଗଦୀ ଯାଇପାରିବେ।
ନିକଟତମ ବିମାନବନ୍ଦର ହେଉଛି ଲକ୍ଷ୍ନୌ।
