କଟକ: ବାତ୍ୟା ‘ଦାନା’ ପାଇଁ ହୋଇଥିବା ପ୍ରସ୍ତୁତିର କଟକ ମେୟର ସୁବାସ ସିଂଙ୍କ ସହ ସିଏମସିର ଟିମ ଭିନ୍ନ ଭିନ୍ନ ବାତ୍ୟା ଆଶ୍ରୟସ୍ଥଳୀ ବୁଲି ଦେଖିବା ସହ ସେଠାକାର ପରିବେଶ, ଆଲୋକିକରଣ, ଶୌଚାଳୟ ସୁବିଧା, ୨୪ ଘଣ୍ଟିଆ ଲାଇଟ ଏବଂ ପାନୀୟ ଜଳର ବ୍ୟବସ୍ଥା ମଧ୍ୟ ନିଜେ ବୁଲି ବୁଲି ଦେଖିଛନ୍ତି।
ବାତ୍ୟା ‘ଦାନା’ ; ୩ ଜିଲାରେ ହେବ ବେଶୀ ପବନ, ୨ ମିଟର ପର୍ଯ୍ୟନ୍ତ ଜୁଆର ଆସିପାରେ- ଆଇଏମଡି ଡିଜି..
ସୂଚନା ଯୋଗ୍ୟ, ସମସ୍ତ ବାତ୍ୟା ଆଶ୍ରୟସ୍ଥଳୀ ଗୁଡିକରେ ସିଏମସି ତରଫରୁ ଏକ ଅଫିସର ନିଯୋଜିତ କରାଯାଇଛି। ଆଶ୍ରୟସ୍ଥଳୀ ଗୁଡିକରେ କୌଣସି ପ୍ରକାରର ଅସୁବିଧା ନ ହୁଏ, ସେ ବିଷୟରେ ସିଏମସି ଗୁରୁତ୍ୱ ସହ ଧ୍ୟାନ ଦେଇଛି । ଜିରୋ କାଜୁଆଲିଟି ଆଧାରରେ କାର୍ଯ୍ୟ କରୁଛି ସିଏମସି । ସିଏମସି ମେୟର ଏହି ଅସୁବିଧା ସମୟରେ ସମସ୍ତ ବିଷୟକୁ ଧ୍ୟାନ ଦେଇ ମନିଟରିଂ କରୁଛନ୍ତି। ଶୁଖିଲା ଖାଦ୍ୟ ଓ ରନ୍ଧା ଖାଦ୍ୟ ଉଭୟ ବ୍ୟବସ୍ଥା କରାଯାଇଛି । ମେୟର ଗୋରାକବର ସ୍କୁଲରେ ବାତ୍ୟା ଆଶ୍ରୟସ୍ଥଳୀ ବୁଲି ଦେଖିବା ସମୟରେ ନିଜେ ଆଶ୍ରୟ ସ୍ଥଳୀ ବାସିନ୍ଦାଙ୍କୁ ଖାଦ୍ୟ ପରଷିବା ସହ ସେହି ରନ୍ଧା ଖାଦ୍ୟ ଖାଇ ଖାଦ୍ୟର ମାନ ପରଖିଥିଲେ। ଏହାସହ କଟକ ଜିଲ୍ଲାପାଳ ଓ ଡିସିପି ବିଭିନ୍ନ ବାତ୍ୟା ଆଶ୍ରୟସ୍ଥଳୀ ବୁଲି ସ୍ଥିତି ସମୀକ୍ଷା କରିଛନ୍ତି।
