ନୂଆଦିଲ୍ଲୀ : କୁହାଯାଏ, ହିଂସ୍ର ଜଙ୍ଗଲୀ ଜୀବଜନ୍ତୁଙ୍କୁ ପୋଷା ଭାବି ସେମାନଙ୍କ ସହ ଲାଗିବା ଭୁଲରେ ମଧ୍ୟ ଉଚିତ୍ ନୁହେଁ । ଏହାର ଫଳ ସର୍ବଦା ଭୟଙ୍କର ହୋଇଥାଏ । ନିକଟରେ ସୋସିଆଲ ମିଡିଆରେ ସେଭଳି ହିଁ ଏକ ଭିଡିଓ ବେଶ ଭାଇରାଲ୍ ହେଉଛି । ଅନେକ ସମୟରେ ଫିଲ୍ମ କିମ୍ବା ଶୋ’ରେ ହିଂସ୍ର ଜନ୍ତୁଙ୍କ ସହ ଅନେକ ଷ୍ଟଣ୍ଟ କରୁଥିବା ଦେଖାଯାଏ । ଏହି ଭିଡିଓ ମଧ୍ୟ ସେଭଳି ଏକ ଉଦାହରଣ, କିଛି ଲୋକେ ଜାଣତରେ ଅଜାଣତରେ କରୁଥିବା ଭୁଲ୍ ପାଇଁ ନିଜ ଜୀବନକୁ ବିପଦରେ ପକାଇ ଥାଆନ୍ତି । ଭାଇରାଲ୍ ହେଉଥିବା ଭିଡିଓଟି କୁମ୍ଭୀର ଓ ଜଣେ ବ୍ୟକ୍ତିର।
କୁମ୍ଭୀର ପାଟିରେ ମୁଣ୍ଡ ଭର୍ତ୍ତି କଲେ ବ୍ୟକ୍ତି pic.twitter.com/BmKX9MCM0G
— Samaja Live (@samajalive) July 20, 2024
ଭିଡିଓରେ ଦେଖିପାରିବେ ଜଣେ ବ୍ୟକ୍ତି ଏକ କୁମ୍ଭୀର ସହ ବିପଦପୂର୍ଣ୍ଣ ଷ୍ଟଣ୍ଟ କରିବାକୁ ଚେଷ୍ଟା କରୁଛନ୍ତି । ମାତ୍ର କିଛି ସମୟ ମଧ୍ୟରେ ଯାହା ହେଉଛି, ତାହା ଦେଖି ଭୟଭୀତ ଲାଗିବ । ବ୍ୟକ୍ତି ଜଣକ ହାତରେ କୁମ୍ଭୀର ପାଟିକୁ ଖୋଲି ରଖି ନିଜ ମୁଣ୍ଡକୁ କୁମ୍ଭୀର ପାଟିରେ ଭର୍ତ୍ତି କରି ଷ୍ଟଣ୍ଟ କରିବାକୁ ଚେଷ୍ଟା କରିଛନ୍ତି । ମାତ୍ର ସେହି ସମୟରେ କୁମ୍ଭୀର ନିଜର ପାଟି ବନ୍ଦ କରି ଦେଉଛି, ବ୍ୟକ୍ତିଙ୍କ ମୁଣ୍ଡ କୁମ୍ଭୀର ପାଟି ଭିତରେ ରହି ଯାଉଛି।
ସୋସିଆଲ ମିଡିଆ ଏକ୍ସରେ ଏହି ଭିଡିଓ ଶେୟାର କରାଯାଇଛି । ଏହାଦେଖି ସେଠାରେ ଥିବା ବ୍ୟକ୍ତି ବିଶେଷ ଚକିତ ହୋଇ ଭୟଭୀତ ହେବା ସହ ତୁରନ୍ତ ତାଙ୍କ ଜୀବନ ବଞ୍ଚାଇବାକୁ ଦୌଡି ଥିଲେ। ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
ରବିବାର ଗୁରୁ ପୂର୍ଣ୍ଣିମାରେ ଦୁର୍ଲଭ ସଂଯୋଗ ;ଏହି ରାଶିଙ୍କ ଚମକିବ ଭାଗ୍ୟ, ମିଳିବ ବଡ ସଫଳତା..
