ନୂଆଦିଲ୍ଲୀ : ଫିଲିପାଇନ୍ସରୁ ଏକ ଆଶ୍ଚର୍ଯ୍ୟଜନକ ଘଟଣା ଏବେ ସାମ୍ନାକୁ ଆସିଛି। ଏଠାରେ ଜଣେ ୨୯ ବର୍ଷୀୟ ଯୁବକ ସେଲ୍ଫି ନେବା ନିଶାରେ କୁମ୍ଭୀର ଖୁଆଡକୁ ଯାଇ କୁମ୍ଭୀର ଆକ୍ରମଣରେ ଗୁରୁତର ଆହତ ହୋଇଛନ୍ତି। ଏହି ଘଟଣା ସୋମବାର, ୨୮ ଏପ୍ରିଲରେ କବୁଗ ଆଇଲ୍ୟାଣ୍ଡ ମ୍ୟାନ୍ଗ୍ରୋଭ୍ ଆଣ୍ଡ ୱେଟ୍ଲ୍ୟାଣ୍ଡ ପାର୍କରେ ଘଟିଛି । ଯୁବକ ଜଣକ ମୋବାଇଲ୍ ନେଇ କୁମ୍ଭୀର ଖୁଆଡ ଭିତରକୁ ଯାଇଥିଲେ। ସେ ଭାବିଥିଲେ କୁମ୍ଭୀରଟି ଅସଲି ନୁହେଁ ବରଂ ନକଲି ଓ ପ୍ଲାଷ୍ଟିକ୍ର । ମାତ୍ର କିଛି କ୍ଷଣରେ କୁମ୍ଭୀର ହଠାତ୍ ଯୁବକଙ୍କ ଉପରେ ଆକ୍ରମଣ କରିଥିଲା ।
🚨 In the Philippines, a 29-year-old man mistook a crocodile in its enclosure for a statue and climbed up for a photo. The female crocodile, known as Lalay, reacted violently and nearly attacked him. A zoo worker managed to intervene and save the man, who later required over 50… pic.twitter.com/SzkeyQsWnA
— The Tradesman (@The_Tradesman1) April 30, 2025
୫୦୦ ବର୍ଷ ପରେ ମେ’ରେ ଦୁର୍ଲ୍ଲଭ ସଂଯୋଗ ; ଏହି ରାଶି ହେବେ ମାଲାମାଲ୍, କିଣିବେ ଘର, ହେବେ ଭାଗ୍ୟଶାଳୀ..
ସେଠାରେ ଉପସ୍ଥିତ ଥିବା ଲୋକଙ୍କ କହିବାନୁଯାୟୀ, କୁମ୍ଭୀର ଯୁବକଙ୍କୁ ହାତକୁ ପ୍ରଥମେ କାମୁଡି ଧରିଥିଲା। ଏହାପରେ ପାଣି ଭିତରକୁ ଟାଣି ନେଇ ବାରମ୍ବାର ଆକ୍ରମଣ କରୁଥିଲା। ଯୁବକ ଜଣକ ଯନ୍ତ୍ରଣାରେ ଚିତ୍କାର କରୁଥିଲେ।
ଏହି ଭୟଙ୍କର ପରିସ୍ଥିତିରେ ଜଣେ ଚିଡିଆଖାନା କର୍ମଚାରୀଙ୍କ ବେଶ ପ୍ରଶଂସା କରାଯାଉଛି। ସେ ପ୍ରଥମେ ଯୁବକଙ୍କୁ ଅଟକାଇବାକୁ ଚେଷ୍ଟା କରିଥିଲେ। ମାତ୍ର ଯୁବକ ଜଣକ କୁମ୍ଭୀର ଖୁଆଡକୁ ଯାଇଥିଲେ। କୁମ୍ଭୀର ଆକ୍ରମଣ କରିବା ଦେଖି ସେହି କର୍ମଚାରୀ ଜଣକ କୁମ୍ଭୀର ଖୁଆଡ ଭିତରକୁ ଯାଇ ନିଜ ଜୀବନକୁ ବିପଦରେ ପକାଇ କୁମ୍ଭୀରକୁ କଂକ୍ରିଟ୍ ଖଣ୍ଡରେ ମାରିବା ପରେ କୁମ୍ଭୀର ଯୁବକଙ୍କୁ ଛାଡି ଦେଇଥିଲା।
ଦେଖନ୍ତୁ ଭିଡିଓ ; ଆଖୁରସ ମେସିନ୍ରେ ପଶିଗଲା ମହିଳାଙ୍କ ବେଣି, ତା’ପରେ..
ଏହାପରେ ତାଙ୍କୁ ତୁରନ୍ତ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଯୁବକଙ୍କ ହାତ ଓ ଗୋଡରେ ୫୦ରୁ ଅଧିକ ସିଲେଇ ପକାଯାଇଛି। ପୁଲିସ ଘଟଣାର ତଦନ୍ତ କରୁଛି। ଏଭଳି ନକରିବା ପାଇଁ ଅପିଲ୍ କରାଯାଇଛି। ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
ଦେଖନ୍ତୁ ଭିଡିଓ ; ଆତଙ୍କବାଦୀଙ୍କ ଠିକଣା ଦେଖାଇବାକୁ ଯାଉଥିବା ଯୁବକ ନଦୀକୁ ଡେଇଁ ହାରିଲା ଜୀବନ..
