ଦେଶରେ ବେକାବୁ କରୋନା ? ଗତ ୨୪ ଘଣ୍ଟାରେ ନେଲାଣି ୧୨ଜଣଙ୍କ ଜୀବନ
![](https://samajalive.in/wp-content/uploads/2024/01/daily-news-and-latest-updates-covid-cases-coronavirus-new-variant-israel-hamas-war-lok-sabha-elections-india-russia-modi-putin-28-december-2023-750x430.webp)
ନୂଆଦିଲ୍ଲୀ : ଥଣ୍ଡା ବଢିବା ସହ କରୋନା ମାମଲା ବି କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଛି। ଯାହା ସାଧାରଣ ଲୋକଙ୍କ ମନରେ ଏକ ପ୍ରକାର ଭୟ ସଂଚାରିତ କରୁଛି। ଅତି କମ୍ ଦିନର ସମୟ ମଧ୍ୟରେ ଜେଏନ୍-୧ ମାମଲା ୫୦୦ରୁ ଅଧିକକୁ ବୃଦ୍ଧି ପାଇଛି। କର୍ଣ୍ଣାଟକରୁ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି। ଗତ ୨୪ ଘଣ୍ଟାରେ ଦେଶରେ ୭୬୧ ନୂଆ ମାମଲା ସାମ୍ନାକୁ ଆସିଥିବାବେଳେ ୧୨ ଜଣ ଲୋକଭ୍କର ମୃତ୍ୟୁ ଘଟିଥିବା ସୂଚନା ମିଳିଛି। ଆକ୍ଟିଭ୍ କେସ୍ ବର୍ତ୍ତମାନ୍ ୪ ହଜାର ୩୩୪ରେ ପହଞ୍ଚିଲାଣି ।
ଯଦି ଆମେ ଦେଖିବା ଜାନୁଆରୀ ୩ ତାରିଖ ସୁଦ୍ଧା ଏହି ଭୂତାଣୁ ଦେଶର ୧୧ ରାଜ୍ୟକୁ ବ୍ୟାପିଥିବାବେଳେ ମୋଟ୍ ୫୪୧ ମାମଲା ସାମ୍ନାକୁ ଆସିଲାଣି। କେରଳରୁ ୧୪୮ , ଗୋଆରୁ ୪୭ , ଗୁଜୁରାଟରୁ ୩୬ , ମହାରାଷ୍ଟ୍ରରୁ ୩୨ , ଦିଲ୍ଲୀରୁ ୧୫ , କର୍ଣ୍ଣାଟକରୁ ୧୯୯ , ରାଜସ୍ଥାନରୁ ୪ , ତେଲେଙ୍ଗାନାରୁ ୨ ଏବଂ ଓଡିଶାରୁ ଜଣେ ସଂକ୍ରମିତ ଚିହ୍ନଟ ହୋଇଛନ୍ତି।
ସେପଟେ ସ୍ୱାସ୍ଥ୍ୟ ବିଭାଗର କହିବା ମୂତାବକ ପ୍ରତିବର୍ଷ ଶୀତଦିନେ ହିଁ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗେ । ତେଣୁ ଏହି ସମୟରେ ଲକ୍ଷଣକୁ ଚିହ୍ନିବା ଏବଂ ନିଜ ଶରୀରର ଯତ୍ନ ନେବା ନିହାତି ଆବଶ୍ୟକ । ଏ ନେଇ ବିଭାଗ ପୁରା ସଜାଗ ରହିଛି। ତେଣୁ ଭୟଭୀତ ହେବାର କୌଣସି ଆବଶ୍ୟକତା ନାହିଁ।
Comments are closed.