ନୀଳଗିରି: ଥାଇଲାଣ୍ଡ, କଲୋମ୍ବିଆ, ମିଆଁମାରା, ଶ୍ରୀଲଙ୍କା, ଭିଏତନାମା, ମାଲେସିଆ, ଜାଭା ପ୍ରଭୃତି ରାଷ୍ଟ୍ରରେ ବହୁଳ ପରିମାଣରେ ଦେଖା ଯାଉଥିବା ବନ୍ୟଜନ୍ତୁ ସମ୍ପ୍ରତି ବାଲେଶ୍ୱର ଜିଲା ଅଧୀନ ନୀଳଗିରି ଅଞ୍ଚଳରେ ଠାବ କରାଯାଇଛି। କୁଲଡିହା ଅଭୟାରଣ୍ୟ ଅଧୀନ ପଞ୍ଚଲିଙ୍ଗେଶ୍ୱରରେ ପ୍ରଥମଥର ପାଇଁ ବିରଳ ଶାଳିଆ ପତନିକୁ ଠାବ କରିଛନ୍ତି ପକ୍ଷୀପ୍ରେମୀ ମନୋରଞ୍ଜନ ଦାସ । ସେ ପକ୍ଷୀଙ୍କ ଫଟୋ ଉତ୍ତୋଳନ କରିବାକୁ ଯାଉଥିବା ସମୟରେ ପଞ୍ଚଲିଙ୍ଗେଶ୍ୱର ଶୈବପୀଠ ପାହାଚ ନିକଟ ଏକ ଗୁମ୍ଫାରୁ ଏହି ବିରଳ ଜନ୍ତୁଟି ବାହାରି ଥିବା ଦେଖିଥିଲେ । ଏହି ଖବର ପ୍ରଚାରିତ ହେବା ପରେ ଅଞ୍ଚଳ ଲୋକାରଣ୍ୟ ପାଲଟି ଯାଇଥିଲା।
ସୂଚନା ଯୋଗ୍ୟ ଯେ, ଭାରତରେ ପ୍ରଥମେ ୨୦୦୮ମସିହାରେ ଜମ୍ମୁ ଓ କଶ୍ମୀର ଅଞ୍ଚଳରେ ଏହି ଜାତିର ବନ୍ୟଜନ୍ତୁଙ୍କୁ ଠାବ କରାଯାଇଥିଲା। ଆମ ରାଜ୍ୟର ଭିତରକନିକା ଅଞ୍ଚଳରେ ମଧ୍ୟ ଖୁବ କମ ସଂଖ୍ୟାରେ ଏହା ଦେଖିବାକୁ ମିଳିଥାଏ। ଶାଳିଆ ପତନି ଉଭୟ ମାଂସାସୀ ଓ ତୃଣଭୋଜି। ଛୋଟ ଛୋଟ କୀଟ, ସାପକୁ ଧରି ଖାଇବାରେ ଏମାନେ ମାହିର। ଏହାକୁ ଇଂରାଜୀରେ ସ୍ମଲ ଇଣ୍ଡିଆନ ସିଭେଟ ବୋଲି କୁହାଯାଏ ।
