ଜମ୍ମୁ: ଦକ୍ଷିଣ କଶ୍ମୀର ଅଞ୍ଚଳରେ ଗତକାଲି ଅପହୃତ ପୁଲିସ କନଷ୍ଟେବଳ ଜାଭେଦ୍ ଅହମ୍ମଦ ଦାରଙ୍କ ମୃତଦେହ ଆଜି ସକାଳୁ ଠାବ କରାଯାଇଛି। ତାଙ୍କ ଶରୀରରେ ଏକାଧିକ ଗୁଳି ଚିହ୍ନ ରହିଥିବା ଦେଖିବାକୁ ମିଳିଛି। ତେଣୁ ଆତଙ୍କବାଦୀମାନେ ତାଙ୍କୁ ନିର୍ମମ ଭାବେ ଗୁଳି କରି ହତ୍ୟା କରିଥିବା ଅନୁମାନ କରାଯାଉଛି।
ଶୋପିଆନ୍ ଜିଲାର ଭେହିଲ୍ ନିବାସୀ ଜାଭେଦ୍ ଗତ କାଲି ସନ୍ଧ୍ୟାରେ ଔଷଧ କିଣିବାକୁ ବଜାରକୁ ଯାଇଥିବା ବେଳେ ଆତଙ୍କବାଦୀମାନେ ତାଙ୍କୁ ଅପହରଣ କରି ନେଇଥିଲେ। ବରିଷ୍ଠ ଏସ୍ପି ଶୈଳେନ୍ଦ୍ର ମିଶ୍ରଙ୍କ ବ୍ୟକ୍ତିଗତ ସୁରକ୍ଷା ଅଧିକାରୀ ଭାବେ ଜାଭେଦ୍ କାର୍ଯ୍ୟରତ ଥିଲେ। ସେଠାରେ ଗତ ଏପ୍ରିଲ୍ ମାସରେ ସୁରକ୍ଷା କର୍ମୀଙ୍କ ଗୁଳିରେ ୫ଜଣ ଆତଙ୍କବାଦୀ ନିହତ ହୋଇଥିଲେ।
ଭାଭେଦଙ୍କୁ ଅପହରଣ ପରେ ତାଙ୍କୁ ଖୋଜିବା ପାଇଁ ସୁରକ୍ଷା କର୍ମୀମାନେ ବ୍ୟାପକ ଅନୁସନ୍ଧାନ କରିଥିଲେ। ଆଜି ସକାଳେ ଡାଙ୍ଗମଠାରେ ରାସ୍ତାକଡ଼ରୁ ତାଙ୍କ ମୃତ ଦେହ ଠାବ କରାଯାଇଥିଲା। ଗତ ମାସରେ ଫୁଲୱାମା ଜିଲାରେ ଜଣେ ସେନା କର୍ମଚାରୀ ଔରଙ୍ଗଜେବଙ୍କୁ ଆତଙ୍କବାଦୀମାନେ ଅପହରଣ କରିବା ପରେ ମୁଣ୍ଡକାଟି ହତ୍ୟା କରିଥିଲେ। ଇଦ୍ ଛୁଟରେ ସେ ଘରକୁ ଯାଉଥିବା ବେଳେ ଆତଙ୍କବାଦୀମାନେ ତାଙ୍କୁ ରାସ୍ତାରୁ ଅପହରଣ କରି ନେଇଥିଲେ।
