ବାଙ୍କୀ: ଫେବୃଆରୀ ୨୨ ତାରିଖରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟ ମତଦାନ ବାଙ୍କୀ ନିର୍ବାଚନ ମଣ୍ଡଳୀର ଡମପଡା ବ୍ଲକର ୩୭ ନମ୍ବର ଓ ୩୮ ନମ୍ବର ଜୋନରେ ଅନୁଷ୍ଠିତ ହେବ। ୨୬୨ ମତଦାନ କେନ୍ଦ୍ରରେ ୭୬,୬୭୩ଜଣ ଭୋଟର ନିଜର ମତଦାନ କରି ନିର୍ଣ୍ଣାୟକ ପ୍ରାର୍ଥୀ ଚୟନ କରିବେ। ଏହି ପରିପ୍ରେକ୍ଷୀରେ ୩୭ ନମ୍ବର ଜିଲ୍ଲାପରିଷଦ ଜୋନର କଂଗ୍ରେସ ଦଳର ଜିଲ୍ଲାପରିଷଦ ପ୍ରାର୍ଥୀ କୁନି ପ୍ରଧାନଙ୍କୁ ବିଜୟୀ କରିବା ଏବଂ ଏହି ଜୋନ୍ ଅନ୍ତର୍ଗତ ପଞ୍ଚାୟତର ସମର୍ଥିତ ଦଳୀୟ ସରପଞ୍ଚ ଓ ସମିତି ସଭ୍ୟମାନଙ୍କୁ ନିର୍ବାଚନରେ ଜିତାଇବା ପାଇଁ କଂଗ୍ରେସ ପକ୍ଷରୁ ଏକ ବିଶାଳ ମୋଟର ସାଇକେଲ ଶୋଭା ଯାତ୍ରାରେ ଭୋଟ୍ ଭିକ୍ଷା କରାଯାଇଛି। ବାଙ୍କୀର ପୂର୍ବତନ ବିଧାୟକ ତଥା କଂଗ୍ରେସ ନେତା ଦେବାଶିଷ ପଟ୍ଟନାୟକ ଏବଂ କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ ଏକ ଖୋଲା ଜିପରେ ଶତାଧିକ ମୋଟର ସାଇକେଲ ଯାତ୍ରାରେ ଶିମିଳିପୁର ପଞ୍ଚାୟତର କରବରଠାରୁ ନରଗାଙ୍ଗ ପଞ୍ଚାୟତ ପର୍ଯ୍ୟନ୍ତ ପ୍ରଚାର ଓ ଭୋଟ୍ ଭିକ୍ଷା କରିଛନ୍ତି। ଶିମିଳିପୁର ପଞ୍ଚାୟତର ସରପଞ୍ଚ ପ୍ରାର୍ଥୀ ବାବୁଲି ଦଳେଇ ଓ ସମିତିସଭ୍ୟ ପ୍ରାର୍ଥିନୀ ଭାନୁମତୀ ନାୟକ ଏହି ଶୋଭାଯାତ୍ରାରେ ନିଜ ପାଇଁ ଭୋଟ୍ ଭିକ୍ଷା କରିଛନ୍ତି। ସେହିପରି ପ୍ରଚାର କାର୍ଯ୍ୟ ହରିରାଜପୁର, ବିଲିପଡା, ଗୋପାଳପୁର, ଢଁସର, ତୁଳସୀପୁର, ନରଗାଙ୍ଗ, ରଗଡି ଓ ଦୁର୍ଗାପୁର ପଞ୍ଚାୟତରେ କଂଗ୍ରେସ ଦଳର ଏହି ବିଶାଳ ଶୋଭାଯାତ୍ରା ପରିକ୍ରମା କରି ଗାଁ ଗାଁରେ ପୂର୍ବତନ ବିଧାୟକ ପ୍ରାର୍ଥୀମାନଙ୍କ ପାଇଁ ଭୋଟ୍ ଭିକ୍ଷା କରିଛନ୍ତି।
Popular Categories
Previous article
Next article