କଂଗ୍ରେସର ବରିଷ୍ଠ ନେତା ତଥା ରାଜ୍ୟସଭା ସାଂସଦ ଦିଗବିଜୟ ସିଂହଙ୍କ ଟ୍ବିଟର ଆକାଉଣ୍ଟ ରଦ୍ଦ କରିଛି ଟ୍ବିଟର । ଏ ସମ୍ପର୍କରେ ନିଜେ ଶ୍ରୀ ସିଂହ ସୂଚନା ଦେଇଛନ୍ତି ଓ ଟ୍ବିଟରର ଭାରତ ମୁଖ୍ୟ ତାଙ୍କୁ ଏ ପ୍ରସଙ୍ଗରେ ଉତ୍ତର ମାଗିଥିବା କହିଛନ୍ତି ।
ଦିଗବିଜୟ କହିଛନ୍ତି ମୋତେ ଭାରତରେ କାର୍ଯ୍ୟ କରୁଥିବା ଟ୍ବିଟର ମୁଖ୍ୟଙ୍କ ଜବାବର ଆବଶ୍ୟକତା ଅଛି । କେନ୍ଦ୍ର ସରକାରଙ୍କ ନେତାମାନଙ୍କ ସମାଲୋଚନା କରିବା କିପରି ‘ସମ୍ବେଦନଶୀଳ’ ତାହା ମୋତେ ବୁଝାଇବା ଦରକାର।
Twitter has been blocking my tweets saying it “includes potentially sensitive content” such as these without telling me what is “potentially sensitive content” in my tweets? I need to have the response of Twitter Country Head of India. pic.twitter.com/OFvRnwwFNB
— digvijaya singh (@digvijaya_28) July 23, 2020
ଶ୍ରୀ ସିଂହ କହିଛନ୍ତି ଯଦି ଆପଣ ନରେନ୍ଦ୍ର ମୋଦୀ ବା ଅମିତ୍ ଶାହାଙ୍କ ବିରୋଧରେ କିଛି କହୁଛନ୍ତି ତେବେ ତାହା ‘ସମ୍ବେଦନଶୀଳ’ ବୋଲି ବିଚାର କରାଯାଉଛି । ଏମିତି ହେଲେ ତ ମୋତେ ରାଜନୈତିକ ପକ୍ଷପାତ କରାଯାଉଛି ବୋଲି କୁହାଯିବ। ଏହା ଆପଣଙ୍କର (ଟ୍ବିଟର) ଅଧିକାରଭୁକ୍ତ ନୁହେଁ । ପୂର୍ବରୁ ମୁଁ ଆପଣ (ଟ୍ବିଟର ଭାରତ ମୁଖ୍ୟ)ଙ୍କ ବିରୋଧରେ ପକ୍ଷପାତ କରୁଥିବା ଅଭିଯୋଗ କରିସାରିଛି ।
ଏହି ଅବସରରେ ଦିଗବିଜୟ ନିଜକୁ ଜଣେ ଦାୟିତ୍ବପୂର୍ଣ୍ଣ ଭାରତୀୟ ନାଗରିକ ବୋଲି କହିଛନ୍ତି । ସେ ଲେଖିଛନ୍ତି ଯେ ମୁଁ ଜଣେ ଦାୟିତ୍ବପୂର୍ଣ୍ଣ ଭାରତୀୟ ନାଗରିକ । ୫ଥର ଲୋକସଭା ଓ ୨ଥର ରାଜ୍ୟସଭା ସାଂସଦ ନିର୍ବାଚିତ ହୋଇଛି । ୧୦ବର୍ଷ ମୁଖ୍ୟମନ୍ତ୍ରୀ ରହିଛି । ମୁଁ କାହିଁକି କୌଣସି ଆପତ୍ତିଜନକ ଟ୍ବିଟ୍ ପୋଷ୍ଟ କରିବି ?
