ଭୁବନେଶ୍ବର: ଓଡିଶା ଗସ୍ତରେ ଆସିଥିବା ନିର୍ବାଚନ କମିଶନଙ୍କ ଟିମ୍ ଆଜି (ଶନିବାର) ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ , ମୁଖ୍ୟ ଶାସନ ସଚିବ , ପୁଲିସ ଡିଜିଙ୍କ ସହିତ ଭୋଟ୍ ପ୍ରସ୍ତୁତି ବ୍ୟବସ୍ଥା ସମ୍ପର୍କରେ ଆଲୋଚନା କରିବେ । ନିର୍ବାଚନ ପରିଚାଳନା ଲାଗି ନିୟୋଜିତ ହେଉଥିବା ଏନଫୋର୍ସମେଣ୍ଟ ଟିମ୍ ସହିତ ମଧ୍ୟ ସିଇସି ଟିମ୍ ଆଲୋଚନା କରିବେ । ସାଧାରଣ ନିର୍ବାଚନ ପାଇଁ ଓଡିଶା କେତେ ପ୍ରସ୍ତୁତ ରହିଛି , ଏହା ପରଖିବାକୁ ନିର୍ବାଚନ କମିଶନଙ୍କ ୭ ଜଣିଆ ଟିମ୍ ୩ ଦିନିଆ ଓଡିଶା ଗସ୍ତରେ ଅଛନ୍ତି । ଭୁବନେଶ୍ବରରେ ଏହି ଟିମ୍ ବିଭିନ୍ନ ଅଧିକାରୀ , ସଂସ୍ଥା ଓ ରାଜନୈତିକ ଦଳ ସହିତ ଆଲୋଚନା କରୁଛନ୍ତି । ରାଜ୍ୟରେ କେତେ ଇଭିଏମ୍ ମେସିନ୍ ଅଛି , ଆଉ କେତେ ଦରକାର , ପର୍ଯ୍ୟାପ୍ତ ସଂଖ୍ୟକ ସୁରକ୍ଷା କର୍ମୀ ଅଛି କି ନାହିଁ , ଆଇନ ଶୃଙ୍ଖଳା ସ୍ଥିତି କିଭଳି ରହିଛି, ପ୍ରଚାର ଓ ଭୋଟ୍ ବେଳେ ଶୃଙ୍ଖଳା ଲାଗି କି ପଦକ୍ଷେପ ଗ୍ରହଣ କରାଯାଉଛି । ଏ ସବୁର ତଦାରଖ କରୁଛନ୍ତି। ଶୁକ୍ରବାର ରାଜ୍ୟର ବରିଷ୍ଠ ପ୍ରଶାସନିକ ଓ ପୁଲିସ୍ ଅଧିକାରୀଙ୍କ ସହ ଆଲୋଚନା କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ।
Popular Categories
Previous article
Next article