ସମାଜ ଡିଜିଟାଲ ଡେସ୍କ: ସ୍ପିଡ୍ ବାଇକରେ ଆସି ଲୋକଙ୍କୁ ଲୁଟୁଥିଲେ। ମହିଳାଙ୍କ ବେକରୁ ସୁନା ଚେନ୍, ହାତରୁ ବ୍ୟାଗ ଝାମ୍ପି ଆଖି ପିଛୁଳାକେ ଫେରାର ହୋଇଯାଉଥିଲେ। ରାଜଧାନୀ ଭୁବନେଶ୍ୱର ଏବଂ ଏହାର ଆଖପାଖରେ ଏଭଳି ଲୁଟ୍ କରି ଆତଙ୍କ ଖେଳାଇଥିବା ରାଜପଥ ଲୁଟେରା ଗ୍ୟାଙ୍ଗକୁ ଧରିଛି କମିଶନରେଟ୍ ପୁଲିସ।
ପୁଲିସ ଗ୍ୟାଙ୍ଗର ୫ ଅଭିଯୁକ୍ତଙ୍କୁ ଗିରଫ କରିବା ସହିତ ସେମାନଙ୍କଠାରୁ ଦାମୀ ବାଇକ୍ ଏବଂ ଚୋରି କରାଯାଇଥିବା ବହୁ ପରିମାଣର ସୁନାରୁପା ଅଳଙ୍କାର ଜବତ କରାଯାଇଛି। ପୁଲିସ କମିଶନର ସଞ୍ଜୀବ ପଣ୍ଡା ଗୁରୁବାର ଏକ ଖବରଦାତା ସମ୍ମିଳନୀରେ ଏ ସମ୍ପର୍କରେ ସୂଚନା ଦେଇଛନ୍ତି। ଅଭିଯୁକ୍ତମାନେ ପୂର୍ବରୁ ଅନ୍ୟ କୌଣସି ମାମଲାରେ ସମ୍ପୃକ୍ତ ରହିଛନ୍ତି କି ନାହିଁ ସେ ଦିଗରେ ପୁଲିସ ଅଧିକ ତଦନ୍ତ ଚଳାଇଛି।
Comments are closed.