ମୁମ୍ବଇ : ଏପ୍ରିଲ ୧୪ରେ ବଲିଉଡ ଅଭିନେତା ସଲମାନ ଖାନଙ୍କ ଘରେ ବାହାରେ ହୋଇଥିବା ଗୁଳି ଚାଳନା ମାମଲାରେ ପୁଲିସ ଭାଇଜାନଙ୍କ ବୟାନ୍ ରେକର୍ଡ କରିଛି। ଜୁନ୍ ୪ରେ ପୁଲିସ ସଲମାନ୍ ଖାନ୍ ଓ ତାଙ୍କ ଭାଇ ଅରବାଜ ଖାନଙ୍କ ବୟାନ୍ ରେକର୍ଡ କରିଛି।
ଭାଇଜାନ୍ କହିଛନ୍ତି, ସେ ଏପ୍ରିଲ ୧୪ ସକାଳେ ମୁମ୍ବଇସ୍ଥିତ ବାସଭବନ ବାହାରେ ଗୁଳି ଚଳାଇବାରୁ ସେ ଗୁଳି ଶବ୍ଦ ଶୁଣି ନିଦରୁ ଉଠି ପଡିଥିଲେ। ପୁଲିସ କହିଛି ଯେ, ଉଭୟ ଗୁଳି ଚାଳନାକାରୀଙ୍କୁ ଲରେନ୍ସ ବିଶ୍ନୋଇ ଗ୍ୟାଙ୍ଗ ପଠାଇଥିଲେ ଓ ସେମାନେ ସଲମାନ ଖାନଙ୍କୁ ହତ୍ୟା କରିବାକୁ ଯୋଜନା କରିଥିଲେ।
ଆଇସକ୍ରିମ୍ ଖାଉଥିଲେ ମହିଳା ; କୋନ୍ ଭିତରୁ ବାହାରିଲା ମଣିଷର କଟା ଆଙ୍ଗୁଠି, ପହଞ୍ଚିଲା ପୁଲିସ୍..
ମୁମ୍ବଇ କ୍ରାଇମବ୍ରାଞ୍ଚର ଜଣେ ଅଧିକାରୀଙ୍କୁ ନେଇ ଏକ ଚାରିଜଣିଆ ଟିମ୍ ଜୁନ୍ ୪ ରେ ସଲମାନ ଖାନ ଏବଂ ତାଙ୍କ ଭାଇ ଅରବାଜ ଖାନଙ୍କ ଘରକୁ ଯାଇ ସେମାନଙ୍କ ବୟାନ ରେକର୍ଡ କରିଥିଲେ। ଏନେଇ ପୁଲିସ ପକ୍ଷରୁ ସୂଚନା ମିଳିଛି।
ପ୍ରାୟ ଦୁଇ ଘଣ୍ଟା ଧରି ଉଭୟ ଭାଇଙ୍କୁ ପଚରାଉଚରା କରାଯାଇଥିଲା। ସଲମାନ ଖାନ କହିଛନ୍ତି ଯେ ସେ ଅନୁଭବ କରିଛନ୍ତି ଯେ ତାଙ୍କ ଜୀବନ ପ୍ରତି ବିପଦ ରହିଛି। ସେମାନଙ୍କୁ ପୁଲିସ ପକ୍ଷରୁ ମିଳିଥିବା ସହାୟତା ଏବଂ ଏହି ଘଟଣାର ତଦନ୍ତ ପାଇଁ ସେ ପୁଲିସକୁ ଧନ୍ୟବାଦ ଜଣାଇଛନ୍ତି।
ବାସ୍ ୨ ଦିନ ପରେ ସୁନା ଭଳି ସୂର୍ଯ୍ୟ ଚମକାଇବେ ଏହି ରାଶିଙ୍କ ଭାଗ୍ୟ; ମିଳିବ ସରକାରୀ ଚାକିରି,ଧନ..
ସଲମାନ ଖାନ ପୁଲିସକୁ କହିଛନ୍ତି, ଏହି ଘଟଣା ଦିନ ସେ ଘରେ ଥିଲେ ଏବଂ ପୂର୍ବଦିନ ରାତିରେ ଘରେ ଉତ୍ସବ ଥିବାରୁ ସେ ବିଳମ୍ବରେ ଶୋଇଥିଲେ। ସେ ତାଙ୍କ ଫ୍ଲାଟର ବାଲକୋନୀରେ ବାଜିଥିବା ଗୁଳିର ଶବ୍ଦ ଶୁଣିବା ପରେ ନିଦରୁ ଉଠି ଯାଇ ଥିଲେ ବୋଲି ପୁଲିସକୁ କହିଛନ୍ତି। ସେ ବାଲକୋନୀକୁ ଦେଖିବା ପାଇଁ ଯାଇଥିଲେ କିନ୍ତୁ ସେଠାରେ କିଛି ଦେଖି ପାରିନଥିଲେ।
ଗୁଳି ବିନିମୟ ସମୟରେ ଜୁହୁ ଘରେ ଥିବା ତାଙ୍କ ଭାଇ ଅରବାଜ ଖାନଙ୍କ ବୟାନ ମଧ୍ୟ ପୁଲିସ ରେକର୍ଡ କରିଛି। ମାତ୍ର ଲରେନ୍ସ ବିଶ୍ନୋଇ ଗ୍ୟାଙ୍ଗ ଦ୍ୱାରା ସଲମାନ ଖାନଙ୍କୁ ଦିଆଯାଇଥିବା ଧମକ ବିଷୟରେ ସେ ଜାଣିଥିଲେ। ସଲମାନ ଖାନଙ୍କ ବୟାନ ରେକର୍ଡ କରିବାକୁ ୩ ଘଣ୍ଟା ଲାଗିଥିବା ବେଳେ ତାଙ୍କ ଭାଇ ଅରବାଜ ଖାନଙ୍କ ବୟାନ ରେକର୍ଡ କରିବାକୁ ୨ ଘଣ୍ଟା ସମୟ ଲାଗିଥିଲା। ଉଭୟ ଭାଇଙ୍କୁ ସମୁଦାୟ ୧୫୦ ପ୍ରଶ୍ନ ପଚରାଯାଇଥିଲା।
