ବିଲାତି ଓ କୋବିର ଅଭାବୀ ବିକ୍ରି, ଶୀତଳ ଭଣ୍ଡାର କେବେ ?

ଗୁରୁଡିଝାଟିଆ : ସବୁଜ ପନିପରିବା ଉତ୍ପାଦନ ପାଇଁ ରାଜ୍ୟରେ ଆଠଗଡର ସ୍ୱତନ୍ତ୍ର ପରିଚୟ ରହିଛି। ସବୁ ପ୍ରକାରର ପନିପରିବା ଉତ୍ପାଦନ କରି ରାଜଧାନୀ ଭୁବନେଶ୍ଵର ,ଅନୁଗୋଳ,କଟକ , ପୁରୀ ଆଦି ସ୍ଥାନକୁ ପ୍ରେରଣ କରିଥାନ୍ତି । ହେଲେ ଏବେ ଚାଷୀ ମୁଣ୍ଡରେ ହାତ ଦେଇ ବସିଛି। ଉତ୍ପାଦିତ ପରିବାରର ବଜାର ମୂଲ୍ୟ କମ ଥିବାରୁ ତୋଳିବା ମୂଲ୍ୟ ଉଠୁନାହିଁ ତେଣୁ ବିନିଯୋଗ କରିଥିବା ଅର୍ଥ କଥା ପଚାରେ କିଏ ? ଏବେ ବିଲାତି କିଲୋ ପିଛା ୬ ଟଙ୍କା ଓ ପତ୍ରକୋବି ଗୋଟା ଦର ୪ଟଙ୍କାରେ ବିକି ବାକୁ ବାଧ୍ୟ ହେଉଛି କୃଷକ। କୋବି ଗୋଟାକ ୨ରୁ ୩ କିଲୋ ଓଜନ ଥିଲେ ବି ୩ ଟଙ୍କା ରେ ବିକ୍ରୟ କରୁଥିବାରୁ ଗାଡ଼ି ଭଡ଼ା ଉଠୁନାହିଁ। ତେଣୁ କୃଷକ ମୁଣ୍ଡରେ ହାତରେ ଦେଇ ବସିଛି। ଗତକାଲି କଖଡି ହାଟରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା। କୃଷି ପ୍ରଧାନ ଅଞ୍ଚଳ ଆଠଗଡ ହୋଇଥିଲେ ହି ୧୯୮୦ ଦଶକରେ ହୋଇଥିବା ଶୀତଳ ଭଣ୍ଡାରଟି ଅଚଳ ହୋଇ ପଡିବା ପରେ ମଧ୍ୟ ଅଦ୍ୟାବଧି ପ୍ରଶାସନ କିମ୍ବା ରାଜ୍ୟ ସରକାର କୃଷକଙ୍କ ହିତ ପାଇଁ ଶୀତଳ ଭଣ୍ଡାରଟିଏ ନକରି ପାରିବା କୃଷକ ଓ କୃଷି ପାଇଁ କେବଳ ହାସ୍ୟାସ୍ପଦ ଅଟେ। ଯଦି ଅଧୁନା ସବୁଜ ପନିପରିବାକୁ ଶୀତଳ ଭଣ୍ଡାରରେ ରଖାଯାଇଥାନ୍ତା ନିଅଣ୍ଟିଆ ସମୟରେ ପରିବା ଦର ମଧ୍ୟ ସେତେ ଅଧିକ ବା କୌଣସି ରାଜ୍ୟ ଉପରେ ନିର୍ଭରଶୀଳ ହେବାକୁ ପଡ଼ନ୍ତାନି ବୋଲି ଆଲୋଚିତ ହେଉଛି।