ସିଏମସି ମେୟର ପଦ : ସୁବାସ, ଶ୍ରୀତମ ଓ ଗରିବାଳାଙ୍କ ମଧ୍ୟରେ ପ୍ରତିଦ୍ବନ୍ଦିତା !
![](https://samajalive.in/wp-content/uploads/2020/04/CMC-650x430.jpg)
କଟକ ମହାନଗର ନିଗମରେ ଏଥର ତ୍ରିମୁଖୀ ପ୍ରତିଦ୍ବନ୍ଦିତା ହେବା ସ୍ପଷ୍ଟ ହୋଇଯାଇଛି । କାରଣ ବିଜେପି ଅଭିନେତା ଶ୍ରୀତମ ଦାସଙ୍କୁ ସିଏମସି ମେୟର ପ୍ରାର୍ଥୀ ଭାବେ ଘୋଷଣା କରିଛି । ଆସନ୍ତାକାଲି ମନୋନୟନ ପତ୍ର ଦାଖଲର ଶେଷ ଦିନରେ ସେ ନିଜର ପ୍ରାର୍ଥୀପତ୍ର ଦାଖଲ କରିବେ । ଶନିବାର ବିଜେଡି ସୁବାସ ସିଂହଙ୍କୁ କଟକ ମହାନଗର ନିଗମ ମେୟର ପାଇଁ ପ୍ରାର୍ଥୀ ଘୋଷଣା କରିବା ପରେ ଭାରତୀୟ ଜନତା ପାର୍ଟି ରବିବାର ଅଭିନେତା ଶ୍ରୀତମ ଦାସଙ୍କୁ ମେୟର ପ୍ରାର୍ଥୀ ଭାବରେ ଘୋଷଣା କରିଛି। କଟକ ନଗର ବିଜେପି ସଭାପତି ଲଲାଟେନ୍ଦୁ ବଡୁଙ୍କ ପକ୍ଷରୁ ଏନେଇ ସୂଚନା ଦିଆଯାଇଛି । ପୂର୍ବରୁ କଂଗ୍ରେସ ପକ୍ଷରୁ ଗରିବାଳା ବେହେରାଙ୍କୁ ମେୟର ପ୍ରାର୍ଥୀ ଭାବେ ଘେଷଣା କରିଛି।
ତେଣୁ ଏଠାରେ ସୁବାସ ସିଂହ, ଶ୍ରୀତମ ଦାସ ଓ ଗରିବାଳା ବେହେରାଙ୍କ ମଧ୍ୟରେ ସିଧାସଳଖ ପ୍ରତିଦ୍ବନ୍ଦିତା ହେବା ପ୍ରାୟତଃ ସ୍ପଷ୍ଟ ହୋଇଯାଇଛି। ଆସନ୍ତାକାଲି ମନୋନୟନ ପତ୍ର ଦାଖଲର ଶେଷ ଦିନରେ ବିଜେଡିର ଅନେକ ବିଦ୍ରୋହୀ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରୁଥିବା ଜଣାପଡିଛି । ଅନେକ ଥର କର୍ପୋରେଟର ଥିବା ଏବଂ ମେୟର ପଦ ପାଇଁ ଆଶୟୀ ଥିବା ଦଳୀୟ ନେତାଙ୍କୁ ଅଣଦେଖା କରାଯାଉଥିବା ଅଭିଯୋଗ ହୋଇଛି।
ସୂଚନାଯୋଗ୍ୟ ଆସନ୍ତାକାଲି ମନୋନୟନ ପତ୍ର ଦାଖଲର ଶେଷ ଦିନ ହୋଇଥିବାବେଳେ ୯ ତାରିଖରେ ନାମାଙ୍କନ ପତ୍ର ଯାଞ୍ଚ ହେବ। ୧୪ରେ ନାମାଙ୍କନ ପତ୍ର ପ୍ରତ୍ୟାହାର ଏବଂ ଚୂଡାନ୍ତ ପ୍ରାର୍ଥୀତାଲିକା ପ୍ରକାଶ ପାଇବ। ମାର୍ଚ୍ଚ ୨୪ରେ ପୌର ନିର୍ବାଚନ ଅନୁଷ୍ଠିତ ହେବ ଏବଂ ୨୬ ତାରିଖରେ ଫଳାଫଳ ପ୍ରକାଶ ପାଇବ।
Comments are closed.