ଚୌଦ୍ୱାର : ଚୌଦ୍ୱାର ଥାନା ଅଧିନ ବଜ୍ରକୋଟ ଗ୍ରାମରେ ଜମିଜମାକୁ ନେଇ ପୂର୍ବ ଶତୃତାକୁ କେନ୍ଦ୍ରକରି ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟି ଜଣେ ମହିଳାଙ୍କ ସମେତ ୨ଜଣ ଆହତ ହୋଇଥିବା ଜଣାପଡ଼ିଛି । ଘଟଣାରୁ ପ୍ରକାଶ ଯେ, ଜମିଜମା ଭାଗବଣ୍ଟାକୁ ନେଇ ବଜ୍ରକୋଟ ଗ୍ରାମର କାଳନ୍ଦୀ ବାରିକ୍ ଓ ବିକ୍ରମ ବାରିକଙ୍କ ପରିବାର ମଧ୍ୟରେ ଦୀର୍ଘଦିନ ଧରି ତିକ୍ତତା ଲାଗି ରହିଥିଲା । ଏହାକୁ ନେଇ ଗୁରୁବାର ରାତିରେ ବିକ୍ରମ କାଳନ୍ଦୀଙ୍କ ଘରକୁ ଯାଇ ଏକ ଚୁଟିକଟା କଇଁଚିରେ କାଳନ୍ଦୀଙ୍କୁ ଆକ୍ରମଣ କରିଥିଲେ । ଆକ୍ରମଣରେ କାଳନ୍ଦୀଙ୍କ ନାକରେ ଗଭୀର କ୍ଷତ ସୃଷ୍ଠି ହୋଇ ସେ ଗୁରୁତର ଆହତ ହୋଇଥିଲେ। ତାଙ୍କ ପତ୍ନୀ ସ୍ୱର୍ଣ୍ଣଲତା ଘଟଣାସ୍ଥଳରେ ପହଞ୍ଚି ଯିବାରୁ ବିକ୍ରମ ତାଙ୍କୁ ମଧ୍ୟ ଆକ୍ରମଣ କରି ଆହତ କରିଥିଲେ । ସ୍ୱର୍ଣ୍ଣଲତାଙ୍କ ଠାରୁ ଅଭିଯୋଗ ପାଇ ଚୌଦ୍ୱାର ପୁଲିସ୍ ଘଟଣାସ୍ଥଳରେ ପହଞ୍ଚି ବିକ୍ରମଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଆହତ କାଳନ୍ଦୀ ଓ ସ୍ୱର୍ଣ୍ଣଲତାଙ୍କୁୁ ଚିକିତ୍ସା ପାଇଁ ଟାଙ୍ଗୀ ସ୍ୱାସ୍ଥ୍ୟକେନ୍ଦ୍ରକୁ ପଠା ଯାଇଛି ।
Comments are closed.