ବେଜିଂ: ପର୍ଯ୍ୟଟକଙ୍କୁ ଆକର୍ଷିତ କରିବାକୁ ଚୀନ୍ର ଏକ ଗ୍ରାମରେ କୃତ୍ରିମ ବରଫ ଗଛର ବ୍ୟବସ୍ଥା କରାଯାଇଛି। ଏହା ଜଣାପଡିବା ପରେ ଚୀନ୍ ସରକାରଙ୍କ ପକ୍ଷରୁ କ୍ଷମାଭିକ୍ଷା କରାଯାଇଛି। ସୂଚନା ମୁତାବକ ଶୀତଋତୁରେ ବରଫର ମଜା ନେବାକୁ ପର୍ଯ୍ୟଟକମାନେ ସିଚୁଆନ ପ୍ରଦେଶର ଚେଙ୍ଗଡୁ ଗ୍ରାମକୁ ଆସିଥାନ୍ତି। ତେବେ ଚଳିତବର୍ଷ ଆବଶ୍ୟକ ପରିମାଣର ତୁଷାରପାତ ହୋଇନଥିବାରୁ ପର୍ୟ୍ୟଟକମାନେ ନିରାଶ ହୋଇପଡିଥିଲେ। ତେଣୁ ପର୍ଯ୍ୟଟକଙ୍କୁ ଭ୍ରମିତ କରିବାକୁ ଗ୍ରାମ କର୍ତ୍ତୃପକ୍ଷ ଗଛଗୁଡିକରେ ଧଳାରଙ୍ଗର ତୁଳା ଓ ଉଲ୍ ଖଞ୍ଜିବା ସହ ରାସ୍ତାରେ ସାବୁନ ଫେଣଯୁକ୍ତ ପାଣିର ବନ୍ଦୋବସ୍ତ କରିଥିଲେ। ଘରର ଛାତଗୁଡିକୁ ମଧ୍ୟ କୃତ୍ରିମ ବରଫରେ ଢଙ୍କାଯାଇଥିଲା। ତେବେ ଏହି ନିଷ୍ପତ୍ତି ମହଙ୍ଗା ସାବ୍ୟସ୍ତ ହୋଇଛି। ପର୍ଯ୍ୟଟକମାନେ ଏହା ନକଲି ବୋଲି ଜାଣିବା ପରେ ତୀବ୍ର ଅସନ୍ତୋଷ ପ୍ରକଟ କରିଥିଲେ। ସାମାଜିକ ଗଣମାଧ୍ୟମରେ ସମାଲୋଚନା ହେବାପରେ ଗ୍ରାମ ତରଫରୁ କ୍ଷମାପ୍ରାର୍ଥନା କରାଯାଇଛି। ବର୍ତ୍ତମାନ ଉକ୍ତ ଗ୍ରାମର ରାସ୍ତାଘାଟ, ବୃକ୍ଷରାଜି ଏବଂ ବାସଗୃହ ଉପରୁ କୃତ୍ରିମ ବରଫଗୁଡିକୁ ହଟାଇ ଦିଆଯାଉଛି। ଏଥିସହିତ ପର୍ଯ୍ୟଟକଙ୍କୁ ସେମାନଙ୍କର ଅର୍ଥ ଫେରାଇବାର ବନ୍ଦୋବସ୍ତ ମଧ୍ୟ କରାଯାଉଛି।
Popular Categories
Previous article
Next article