କୋଭିଡ୍ ୧୯ ହୋଇଥିବା ବେଳେ ଆୟୁର୍ବେଦିକ ଔଷଧ ଖାଇ ଶୀଘ୍ର ଠିକ୍ ହୋଇଥିଲେ ପ୍ରଧାନବିଚାରପତି ଜଷ୍ଟିସ ଚନ୍ଦ୍ରଚୂଡ
ନୂଆଦିଲ୍ଲୀ – କୋଭିଡ୍ ୧୯ ହୋଇଥିବା ବେଳେ ଆୟୁର୍ବେଦିକ ଔଷଧ ଖାଇ ଶୀଘ୍ର ଭଲ ହୋଇଥିବା କଥା ଭାରତର ପ୍ରଧାନ ବିଚାରପତି ଜଷ୍ଟିସ ଡିଓ୍ୱାଇ ଚନ୍ଦ୍ରଚୂଡ କହିଛନ୍ତି । ତାଙ୍କୁ କୋଭିଡ୍ ହୋଇଥିବା ବେଳେ ସେ ଆୟୁଷରୁ ଔଷଧ ନେଇଥିଲେ । ଦ୍ୱିତୀୟ ଏବଂ ତୃତୀୟ ଥର କୋଭିଡ୍ ହେବା ବେଳେ ମଧ୍ୟ ସେ ଆୟୁର୍ବେଦିକ ଔଷଧ ଖାଇ ଶୀଘ୍ର ଆରୋଗ୍ୟ ହୋଇଥିବା କଥା କହିଛନ୍ତି ।
ଏହି ସମୟରେ ପ୍ରଧାନମନ୍ତ୍ରୀ ମୋଦୀ ତାଙ୍କୁ କଲ୍ କରି ତାଙ୍କ ସ୍ୱାସ୍ଥ୍ୟାବସ୍ଥା କଥା ବୁଝିଥିଲେ । ବୈଦଙ୍କ ସହ ସେ କଥାବାର୍ତ୍ତା କରାଇବା ସହ ଔଷଧ ମଧ୍ୟ ପଠାଇଥିବା କଥା ସେ କହିଛନ୍ତି । ପ୍ରଧାନବିଚାର ପତି ଜଷ୍ଟିସ ଚନ୍ଦ୍ରଚୂଡ ନୂଆଦିଲ୍ଲୀରେ ଆୟୁଷ ବିଭାଗର ଏକ ଓ୍ୱେଲନେସ୍ କେନ୍ଦ୍ର ଉଦ୍ଘାଟନ ସମୟରେ ଏହି କଥା କହିଛନ୍ତି ।
ସରକାରୀ ସଂଖ୍ୟା ଅନୁସାରେ ଭାରତରେ କରୋନାରେ ୫ ଲକ୍ଷ ୩୩ ହଜାର ୪୭୬ ଜଣ ବ୍ୟକ୍ତଙ୍କର ମୃତ୍ୟୁ ହୋଇଛି । ୨୨୦ କୋଟି ୬୭ ଲକ୍ଷ ୨୧ଟି କୋଭିଡ୍ ଟିକା ଲୋକଙ୍କୁ ପ୍ରଥମ ଏବଂ ଦ୍ୱିତୀୟ ଦଫାରେ ଦିଆଯାଇଛି ।
Comments are closed.