ନୂଆଦିଲ୍ଲୀ : ଆସନ୍ତାକାଲି ନହେଲେ ୨୭ରେ ଚନ୍ଦ୍ରରେ ଓହ୍ଲାଇବ ଚନ୍ଦ୍ରଯାନ-୩। ଏନେଇ ଆଜି ଇସ୍ରୋର ବରିଷ୍ଠ ବୈଜ୍ଞାନିକ ନିଲେଶ ଦେଶାଇଙ୍କ ପକ୍ଷରୁ ସୂଚନା ମିଳିଛି। ଆସନ୍ତାକାଲି ନିଦ୍ଧାରିତ ସମୟର ୨ ଘଣ୍ଟା ପୂର୍ବରୁ ନିଷ୍ପତ୍ତି ବଦଳା ଯାଇପାରେ। ଯଦି ଚନ୍ଦ୍ରର ସ୍ଥିତି ଲ୍ୟାଣ୍ଡରର ସ୍ଥିତି ଅନୁକୂଳ ନଥାଏ,ଘୁଞ୍ଚାଯାଇପାରେ। ଯଦି ସବୁ ଠିକ୍ ରହେ, ତେବେ ନିର୍ଦ୍ଧାରିତ ସମୟରେ କାଲି ଲ୍ୟାଣ୍ଡିଂ କରାଯିିବ।
ଚନ୍ଦ୍ରର ଦକ୍ଷିଣମେରୁରେ ସଫ୍ଟଲ୍ୟାଣ୍ଡିଂ କରିବ ଚନ୍ଦ୍ରଯାନ-୩ର ଲ୍ୟାଣ୍ଡର। ଲ୍ୟାଣ୍ଡର ୩୦ କିଲୋମିଟର ଉଚ୍ଚତାରୁ ଅବତରଣ କରିବ। ଅବତରଣ ବେଳେ ଲ୍ୟାଣ୍ଡରର ବେଗ ସେକେଣ୍ଡ ପ୍ରତି ୧.୬୮ କିମି ରହିବ। ଅବତରଣର ଦୁଇ ଘଣ୍ଟା ପୂର୍ବରୁ ଚନ୍ଦ୍ରର ସ୍ଥିତି ଅନୁଧ୍ୟାନ କରାଯିବ। ଯଦି କୌଣସି ସମସ୍ୟା ଦେଖାଯାଏ, ଚନ୍ଦ୍ରଯାନ-୩ର ଅବତରଣକୁ ସ୍ଥଗିତ କରାଯାଇପାରେ।
Comments are closed.