ଚାନ୍ଦିପୁଟ: ଜଙ୍ଗଲ ରୁ ଶାଗୁଆନ କାଠ ଚୋରାଚାଲାଣ ବେଳେ ମିନି ଟ୍ରକ ସହ ୧୧ ଖଣ୍ଡ କାଠ ଗଣ୍ଡି ଜବତ କରିଛି ମୋହନା ବନ ବିଭାଗ। ଗଜପତି ଜିଲ୍ଲା ପାରଳାଖେମୁଣ୍ଡି ବନଖଣ୍ଡ ଅନ୍ତର୍ଗତ ମୋହନା ବନାଞ୍ଚଳ ଅଧିନସ୍ଥ ଅଡବା ଅଞ୍ଚଳରେ ବନ କର୍ମଚାରୀ ମାନେ ରାତ୍ରୀକାଳୀନ ପଇଁତରା ଜାରି ରଖିଥିବା ବେଳେ ଗତକାଲି ମୋହନା ବନାଞ୍ଚଳ ଅଧିକାରୀ ଲଷ୍ମୀପ୍ରସାଦ ବିଶୋଇଙ୍କ ନିର୍ଦ୍ଦେଶ କ୍ରମେ ବନକର୍ମଚାରୀ ମାନେ ମୋହନା ଓ ଅଡବାର ବନକର୍ମଚାରୀ ବିଶେଷ ସୂତ୍ରରୁ ଖବର ପାଇ ନଡ଼ମା ଗ୍ରାମ ନିକଟରେ ଚଡାଉ କରିଥିଲେ। ଚଡାଉ ବେଳେ ଏକ ଟାଟା ମିନିଟ୍ରକ ୪୦୭ ରେ କାଠ ଚୋରାଚାଲାଣ ହେଉଥିବା ଜଣାପଡିଥିଲା। ହେଲେ ବନ କର୍ମଚାରୀଙ୍କୁ ଦେଖି ଡ୍ରାଇଭର ଗାଡ଼ିରୁ ଡେଇଁ ଚମ୍ପଟ ମାରିଥିଲା। ଜବତ ଶାଗୁଆନ କାଠ ବନବିଭାଗ ପକ୍ଷରୁ ଯାଞ୍ଚ ବେଳେ ୧୧ ଟି ଗଣ୍ଡି ଯାହା ୨୮.୧୩ ସିଏଫଟି ବିଶିଷ୍ଟ ପରିମାଣ ବୋଲି ଜଣାପଡିଛି। ଯାହାର ବଜାର ଆନୁମାନିକ ମୂଲ୍ୟ ୫୦ ହାଜର ଟଙ୍କାରୁ ଉର୍ଦ୍ଧ ହେବ ବୋଲି ବନାଞ୍ଚଳ ଅଧିକାରୀ ଲକ୍ଷ୍ମିପ୍ରସାଦ ବିଷୋୟୀ କହିଛନ୍ତି। ଚଢ଼ାଉ ବେଳେ ବନପାଳ ଦେବାଶିଷ ଶତପଥୀ, ବନପାଳ ସନ୍ତୋଷ କୁମାର ପାଣିଗ୍ରାହୀ, ବନରକ୍ଷୀ ରାଜ କିଶୋର ସାହୁ ପ୍ରମୁଖ ଙ୍କ ସମେତ ଜଙ୍ଗଲ ସୁରକ୍ଷା ବାହିନୀ ଶୁଭକାନ୍ତ ବେହେର ଦଳାଇ , କାଳିଆ ପୂଜାରୀ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article