ଖାଇବା ତେଲର ପରିମାଣ ବିଷୟରେ ସ୍ପଷ୍ଟ ଭାବେ ଉଲ୍ଲେଖ କରିବାକୁ କେନ୍ଦ୍ରର ପରାମର୍ଶ

ନୂଆଦିଲ୍ଲୀ : କେନ୍ଦ୍ର ସରକାର ଖାଇବା ତେଲ ଉତ୍ପାଦନକାରୀ, ପ୍ୟାକର ଓ  ଆମଦାନୀକାରୀ ମାନଙ୍କୁ ତେଲର ପରିମାଣ ବିଷୟରେ ସ୍ପଷ୍ଟ ଭାବେ ଉଲ୍ଲେଖ କରିବାକୁ ପରାମର୍ଶ ଦେଇଛନ୍ତି । ଖାଉଟିବ୍ୟପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ଖାଇବା ତେଲର ନେଟ୍‍ ପରିମାଣ ବିଷୟରେ ଠିକ୍‍ ଭାବେ ଲେବଲ୍‍ ଲଗାଇବାପାଇଁ ତୈଳ ଉତ୍ପାଦନକାରୀ, ପ୍ୟାକର୍‍ ଓ ଆମଦାନୀକାରୀ ମାନଙ୍କୁ କହିଛନ୍ତି । ଆସନ୍ତା ବର୍ଷ ଜାନୁୟାରୀ ମାସ ସୁଦ୍ଧା ଏହାକୁ ପାଳନ କରିବାକୁ କୁହାଯାଇଛି ।

ବିଭିନ୍ନ ତାପମାତ୍ରାରେ ଖାଇବା ତେଲର ଓଜନ ଭିନ୍ନ ବୋଲି ମନ୍ତ୍ରଣାଳୟ କହିଛି । ତେଣୁ, ଗ୍ରାହକ ପ୍ୟାକେଜରେ ସଠିକ୍ ପରିମାଣ ପାଇବାକୁ ନିଶ୍ଚିତ କରିବାକୁ, ଖାଇବା ତେଲର ଉତ୍ପାଦକମାନଙ୍କୁ ତାପମାତ୍ରା ବିଷୟରେ ଉଲ୍ଲେଖ ନକରି ଉତ୍ପାଦଗୁଡିକ ପ୍ୟାକ୍ କରିବାକୁ ପରାମର୍ଶ ଦିଆଯାଇଛି।

ଭଲ୍ୟୁମ ଏବଂ ମାସରେ ପ୍ୟାକେଜରେ ଘୋଷିତ ପରିମାଣ ସଠିକ୍ ହେବା ନିଶ୍ଚିତ କରିବାକୁ ସେମାନଙ୍କୁ ମଧ୍ୟ ପରାମର୍ଶ ଦିଆଯାଇଛି। ଲିଗାଲ୍ ମେଟ୍ରୋଲୋଜି (ପ୍ୟାକେଜ୍ କମୋଡିଟିସ୍) ନିୟମ, ୨୦୧୧ ଅନୁଯାୟୀ ଷ୍ଟାଣ୍ଡାର୍ଡ ୟୁନିଟ୍ କିମ୍ବା ମାପ ପରିପ୍ରେକ୍ଷୀରେ ନିଟ୍ ପରିମାଣ ଘୋଷଣା କରିବା ବାଧ୍ୟତାମୂଳକ। ତେଣୁ ୨୦୨୩ ଜାନୁୟାରୀ ମାସ ସୁଦ୍ଧା ଏହାକୁ ପାଳନ କରିବାକୁ କୁହାଯାଇଛି ।