ଡେସ୍କ: ଆଜି କଲିକତା ହାଇକୋର୍ଟ ଜାନୁୟାରୀ ୫ ତାରିଖ ଦିନ ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାର ସାଣ୍ଡେଶଖାଲିରେ ପ୍ରବର୍ତ୍ତନ ନିର୍ଦ୍ଦେଶାଳୟ ଅଧିକାରୀଙ୍କ ଉପରେ ହୋଇଥିବା ଆକ୍ରମଣର ଯାଞ୍ଚ ପାଇଁ ସିବିଆଇ-ପଶ୍ଚିମବଙ୍ଗ ପୁଲିସର ମିଳିତ ସ୍ୱତନ୍ତ୍ର ଅନୁସନ୍ଧାନକାରୀ ଦଳ ଗଠନ କରିଛି।
ଆଜି ହାଇକୋର୍ଟର ବିଚାରପତି ଜଷ୍ଟିସ ଆନନ୍ଦ ସେନଗୁପ୍ତା ଏସଆଇଟି ଗଠନ ପାଇଁ ନିର୍ଦ୍ଦେଶ ଦେଇଛନ୍ତି। ତଦନ୍ତ କାର୍ଯ୍ୟ ସମ୍ପୂର୍ଣ୍ଣ ଭାବେ କଲିକତା ହାଇକୋର୍ଟଙ୍କ ତତ୍ତ୍ୱାବଧାନରେ କରାଯିବ। ଆସନ୍ତାକାଲି ସୁଦ୍ଧା ମାମଲା ସମ୍ବନ୍ଧୀୟ ସମସ୍ତ ଦଲିଲକୁ ଏସଆଇଟିକୁ ହସ୍ତାନ୍ତର କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଆସନ୍ତା ଫେବୃଆରୀ ୧୨ରେ ଏସଆଇଟି ରିପୋର୍ଟ ଦାଖଲ କରିବ।
ଇଡିର ଏକ ଟିମ୍ ସ୍ଥାନୀୟ ନେତା ସାହଜାହାନ୍ ଶେଖଙ୍କ ଅନୁଗାମୀ ତଥା ଶାସକ ତୃଣମୂଳ କଂଗ୍ରେସର ଜିଲା ପରିଷଦର କର୍ମାଧ୍ୟକ୍ଷ୍ୟଙ୍କ ଦ୍ୱାରା ଆକ୍ରମଣର ଶିକାର ହୋଇଥିଲେ। ତେବେ ସାହାଜାହାନ ଶେଖଙ୍କୁ ପୁଲିସ ଏପର୍ଯ୍ୟନ୍ତ ଗିରଫ କରିବାରେ ସଫଳ ହୋଇନାହିଁ।
Comments are closed.