ବେଗୁନିଆ : ଏକ ଟାଟା ଏ ସି ଗାଡ଼ିରେ ୧୩ ଟି ଗାଈ ବଳଦ ବୋଝେଇ କରି ଭୁବନେଶ୍ୱର ଅଭିମୁଖେ ନେଇ ଯାଉଥିବା ଗୋରୁ ଗାଡିଟିକୁ ସନ୍ଧ୍ୟାରେ ବେଗୁନିଆ ପୁଲିସ ଟୀକାତାଳ ଠାରୁ ଜବତ କରିବା ସହିତ ଗାଡି ଚାଳକକୁ ଗିରଫ କରିଛି ।ଥାନା ଅଧିକାରୀ ଲଷ୍ମୀପ୍ରସାଦ ଶତପଥୀଙ୍କ ନିର୍ଦେଶ କ୍ରମେ ଥାନା ଏ ଏସ ଆଇ ସରୋଜକୁମାର ସେନାପତି ,ପୀତବାସ ମହାନ୍ତି ଏବଂ କନେଷ୍ଟବଳ ରତ୍ନାକର ବେହେରା ପ୍ରମୁଖ ସୁନଖଳା ଆଡୁ ଆସୁଥିବା ଗୋରୁ ବୋଝେଇ ଗାଡିଟିକୁ ଟିକାତାଳଠାରେ ଜବତ କରି ଥାନାକୁ ଆଣିଥିଲେ ।ଗୋରୁଗୁଡିକ ଭୁବନେଶ୍ୱର ନିକଟସ୍ଥ ସିଜୁଆ ଗୋଶାଳା ରେ ଛଡ଼ାଯାଇଥିବା ବେଳେ ଗାଡି ଚାଳକ କଡବ ଗ୍ରାମର ଶେଖ ମୋହସିନଙ୍କ ପୁଅ ଶେଖ ଲିଆକତଙ୍କୁ ପୁଲିସ ଗିରଫ କରି ୧୭୬/୨୧ନଂ କେଶ ରୁଜୁ କରିଛି ।
