ବିଲେଇ ପରି ହେବାକୁ ଶରୀରରେ ୨୨ ପରିବର୍ତ୍ତନ

ରୋମ: ବିପୁଳ ବ୍ୟୟ କରି ଜାପାନର ଜଣେ ବ୍ୟକ୍ତି ଗତ ବର୍ଷ ନିଜକୁ କୁକୁର ରୂପେ ପରିବର୍ତ୍ତିତ କରି ଚର୍ଚ୍ଚାକୁ ଆସିଥିବାବେଳେ ସମ୍ପ୍ରତି ଇଟାଲୀର ୨୨ ବର୍ଷୀୟା ଚିଆରା ଡେଲ୍‌’ ଆବେଟ୍‌ ନିଜକୁ ବିଲେଇ ଭାବେ ସଜାଇବା ପାଇଁ ଅନେକ ଟାଟୁ ସହ ଅସ୍ତ୍ରୋପଚାର ମାଧ୍ୟମରେ ଶରୀରରେ ୨୦ଟି ପରିବର୍ତ୍ତନ କରିଛନ୍ତି। ସାମାଜିକ ଗଣମାଧ୍ୟମରେ ଏଇଡିନ୍‌ ମଡ୍‌ ନାମରେ ପରିଚିତ ଚିଆରା ୧୧ ବର୍ଷ ବୟସରୁ ଏଭଳି ପରିବର୍ତ୍ତନ ପ୍ରକ୍ରିୟା ଆରମ୍ଭ କରିଥିବା ବେଳେ ବର୍ତ୍ତମାନ ସୁଦ୍ଧା ୭୨ଟି ଛୋଟ ବଡ଼ ଅସ୍ତ୍ରୋପଚାର ବା ସିଲେଇ କରିସାରିଲେଣି ବୋଲି କହିଛନ୍ତି। ସେ ୪ଟି ସିଂଘ, ଆଖି ପତା ଟାଟୁ, ସ୍ଥାୟୀ ଆଖି ପତା, ମୁନିଆ କାନ, କପାଳରେ ‘ଓମ୍‌’ ସହିତ ଏକାଧିକ ଚିତ୍ର, ପଞ୍ଝା ପରି ନଖ, କଟା ଜିଭ ସହ ଓଠ ଓ ନାକରେ ପରିବର୍ତ୍ତନ କରିଛନ୍ତି। ମଣିଷ ଶରୀରକୁ ଏତେ ଭାବରେ ପରିବର୍ତ୍ତନ କରାଯାଇପାରେ ବୋଲି ଭାବି ସେ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ନିଜକୁ ଏକ କାର୍ଟୁନ୍‌ ଚରିତ୍ରର ବିଲେଇ ରୂପରେ ସଜାଇ ଖୁବ୍‌ ଆନନ୍ଦିତ ବୋଲି ଚିଆରା କହିଛନ୍ତି।

https://samajalive.in/egypt-opened-gate/509348.html