ନୂଆଦିଲ୍ଲୀ : ନାଗରିକତ୍ବ ସଂଶୋଧନ ଆଇନ (ସିଏଏ), ଜାତୀୟ ନାଗରିକ ପଞ୍ଜିକରଣ (ଏଆରସି) ଓ ଜାତୀୟ ଜନସଂଖ୍ୟା ପଞ୍ଜିକା (ଏନସିଆର)କୁ ବିରୋଧ କରି ୧୦୦ରୁ ଅଧିକ ଅବସରପ୍ରାପ୍ତ ଆଇଏଏସ୍ ଅଫିସର ଖୋଲା ଚିଠି ଲେଖିଛନ୍ତି। ଗୁରୁବାର ଏହି ପୂର୍ବତନ ଅଫିସରମାନେ ସାଧାରଣ ଜନତାଙ୍କ ଉଦ୍ଦେଶ୍ୟରେ ଚିଠି ଲେଖିଛନ୍ତି। ଚିଠିରେ ସେମାନେ ଏନଆରସି, ସିଏଏ ଓ ଏନପିଆରକୁ ବିରୋଧ କରିବା ଲାଗି ଲୋକମାନଙ୍କୁ କହିଛନ୍ତି। ଚିଠିରେ ଲେଖାଯାଇଛି ସିଏଏ ଓ ପ୍ରାସ୍ତାବିତ ଏନଆରସିକୁ ପ୍ରତ୍ୟାହାର କରିବା ଲାଗି ଲୋକମାନେ ସରକାରଙ୍କୁ ପ୍ରବର୍ତ୍ତାଇବା ଦରକାର। ଚିିଠି ଲେଖିଥିବା ୧୦୬ ଅବସରପ୍ରାପ୍ତ ଆଇଏଏସ ଅଫିସରଙ୍କ ମଧ୍ୟରୁ ଏକ ଚତୁର୍ଥାଂଶ ହେଉଛି କେନ୍ଦ୍ର ସରକାର ସଚିବ ପାହ୍ୟାର ଅଧିକାରୀ। ଏମାନଙ୍କ ମଧ୍ୟରେ ଅଛନ୍ତି ତିନିଜଣ ପୂର୍ବତନ ବୈଦେଶିକ ସଚିବ ଶ୍ୟାମ ସରନ, ଶିବ ଶଙ୍କର ମେନନ ଓ ସୁଜାତା ସିଂହ।
ସେହିପରି ବ୍ରିଟେନରେ ଅବସ୍ଥାପିତ ହୋଇଥିବା ପୂର୍ବତନ ରାଷ୍ଟ୍ରଦୂତ ଶିବ ଶଙ୍କର ସୁଖାର୍ଜୀ, ପୂର୍ବତନ ଟେଲିକମ ରେଗୁଲେଟର ରାହୁଲ ଖୁଲ୍ଲାର, ପୂର୍ବତନ ପୁଲିସ ମୁଖ୍ୟ ମିରନ ସି ବୋରୱାଙ୍କର, ଏଡିବିର ପୂର୍ବତନ ନିର୍ଦେଶକ ପିକେ ଲାହିରି, ପୂର୍ବତନ କ୍ୟାବିନେଟ ସଚିବ କେଏମ ଚନ୍ଦ୍ରଶେଖର। ଏହି ଅଧିକାରୀମାନେ କହିଛନ୍ତି ଯେ ଏନପିଆର ଓ ଏନଆରସିର କୌଣସି ଆବଶ୍ୟକ ନାହିଁ। ଏହା ଦ୍ବାରା କେବଳ ସମୟ ନଷ୍ଟ ହେବ।
