ବସ୍-ବାଇକ୍ ଧକ୍କା, ନାବାଳକ ମୃତ

କଲ୍ୟାଣସିଂହପୁର : ବସକୁ ଧକ୍କା ଦେଇ ଜଣେ ନାବାଳକର ଘଟଣାସ୍ଥଳରେ ମୃତ୍ୟୁ ଘଟିଛି । ଘଟଣାଟି ଘଟିଛି ରାୟଗଡା ଜିଲ୍ଲା କଲ୍ୟାଣ ସିଂହପୁର ବ୍ଲକ ପୂଜାରୀଗୁଡା ପଞ୍ଚାୟତ ରାଉତ ପରଡ଼ିଗୁଡା ଗାଁ ଛକ ନିକଟରେ। ଘଟଣା ସ୍ଥଳରେ ଉତ୍ୟକ୍ତ ଲୋକଙ୍କ ଦ୍ୱାରା କ୍ଷତି ପୂରଣ ଦାବିନେଇ କଲ୍ୟାଣ ସିଂହପୁର ଜଗନ୍ନାଥପୁର ରାସ୍ତା ଅବରୋଧ ହୋଇଛି । ସୂଚନା ଅନୁଯାୟୀ କଲ୍ୟାଣସିଂହପୁର ବ୍ଲକ ପାଟବନ୍ଧ ଗ୍ରାମର ଦୁଇଜଣ ନବୀନ ତାଡିକା (୨୧) ଓ କାଡ୍ରାକା ଲାଛାର ଗୋଟିଏ ପୁଅ ସୁମନ କାଡ୍ରାକା (୧୪)ସପ୍ତମ ଶ୍ରେଣୀର ଛାତ୍ର ଏକ ଲୁନା ଗାଡି ନମ୍ବର ଓଡି ୧୮- ଜେ-୧୯୧୮ ଯୋଗେ କୌଣସି କାମରେ ଘୋଡାଘାଟି ଗାଁକୁ ଯାଉଥିଲେ। କଲ୍ୟାଣସିଂହପୁରଠାରୁ ଥେରୁବାଲି ଦେଇ ରାୟଗଡା ଯାଉଥିବା ଓଁମ ସାଇରାମ ହନୁମାନ ଘରୋଇ ବସ ଗାଡି ନମ୍ବର – ଓଡି ୧୮-ଏଲ – ୫୫୬୫ ବସକୁ ଭାରସାମ୍ୟ ହରାଇ ଧକ୍କା ହୋଇଥିଲା ।ଯାହା ଫଳରେ ଗାଡିରୁ ଦୁଇଜଣ ଖସି ପଡ଼ିଥିଲେ । ଜଣକର ଘଟଣାସ୍ଥଳରେ ମୃତ୍ୟୁ ହୋଇଛି । ମୃତ ନାବାଳକଙ୍କ ଶବ ରଖି କ୍ଷତି ପୂରଣ ଦାବିନେଇ କଲ୍ୟାଣ ସିଂହପୁର ଜଗନ୍ନାଥପୁର ରାସ୍ତା ଅବରୋଧ କରାଯାଇଛି। ଖବର ପାଇ ଘଟଣାସ୍ଥଳରେ ପୁଲିସ ଅଧିକାରୀ ନୀଳକଣ୍ଠ ବେହେରା ଓ ଏସଆଇ ଶିବ ସାହୁ ପହଞ୍ଚି ତଦନ୍ତ କରୁଥିବାବେଳେ ରାୟଗଡା ଏମଭି ଆଇ ଦାସ ପ୍ରଭାଷ କୁମାର ବାଗଲା ପହଞ୍ଚି ତଦନ୍ତ କରୁଛନ୍ତି ।
Comments are closed.