ବୁର୍ଲା : ବୁର୍ଲା ଭିମସାରରେ ଗତ ୨୦୧୯ ମସିହାରେ ପଦୋନ୍ନତି ପ୍ରକ୍ରିୟାରେ ଅନିୟମିତତାକୁ ନେଇ ପ୍ରସଙ୍ଗ ଚର୍ଚ୍ଚାର ବିଷୟ ପାଲଟିଥିଲା। ଚତୁର୍ଥଶ୍ରେଣୀ କର୍ମଚାରୀଙ୍କୁ ତୃତିୟ ଶ୍ରେଣୀକୁ ପଦୋନ୍ନତି ସରକାରୀ ନିୟମକୁ ଉଲ୍ଲଙ୍ଘନ କରି ପଦୋନ୍ନତି ହୋଇଥିବା ନେଇ ଏହି ଅଭିଯୋଗ ଉଠିଥିବା ବେଳେ ଯାଞ୍ଚ ବର୍ତ୍ତମାନ ସୁଦ୍ଧା ହୋଇ ପାରି ନାହିଁ। ପୁଣି ଗତକାଲି ୧୪ ତାରିଖରେ ଭିମସାରର ଚତୁର୍ଥ ଶ୍ରେଣୀରୁ ତୃତୀୟ ଶ୍ରେଣୀକୁ ପଦୋନ୍ନତି ପ୍ରକ୍ରିୟା ଭିମସାରର ନିର୍ଦ୍ଦେଶକ ପ୍ରଫେସର ଲଳିତ ମେହେରଙ୍କ ଅଧ୍ୟକ୍ଷତାରେ ହୋଇଥିଲା।
ଏଥିରେ କମ୍ପ୍ୟୁଟର ପରୀକ୍ଷାର ଏକ ସ୍ୱତନ୍ତ୍ର ବାଟ ବାହାର କରାଯାଇଥିଲା ଯେଉଁଥିରେ ହସପିଟାଲର ଏବଂ କଲେଜ କର୍ମଚାରୀଙ୍କ ମଧ୍ୟରେ ପାତରଅନ୍ତର ନିତି ପ୍ରତିପୋଷଣ ହୋଇଥିôଲା। କଲେଜ ପାଖ କର୍ମଚାରୀଙ୍କ ପାଇଁ କିଛି କର୍ମଚାରୀ ଆନ୍ତରିକତା ଦେଖାଉଥିବା ତଥା ନିର୍ଘଣ୍ଟ ସମୟ ଆବିଧିକୁ ମଧ୍ୟ ବର୍ଦ୍ଧିତ କରାଯିବାକୁ ନେଇ କର୍ମଚାରୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଥିଲା। ଏତଦ ବ୍ୟତିତ ଚତୁର୍ଥ ଶ୍ରେଣୀରୁ ତୃତୀୟ ଶ୍ରେଣୀ ହେବା ପାଇଁ ରେଗୁଲାର ଭାବରେ ୮ ବର୍ଷ ରହିବା କଥା ଓ ଦ୍ୱିତୀୟ ସ୍ତରକୁ ଯିବା ପାଇଁ ଆହୁରି ୩ ବର୍ଷର ଚାକିରୀ କରିଥିଲେ ଯାଇ ସେମାନେ କିରାଣୀ ସ୍ତର ପହଞ୍ଚି ପାରିବେ। କୌଣସି କର୍ମଚାରୀ ସିଧାସଳଖ ଝାଡ଼ୁଦାର/ଆଟେଣ୍ଡାଣ୍ଟ/ପିଅନ ପଦବୀରୁ ସିଧାସଳଖ କନିଷ୍ଠ କିରାଣୀ ହୋଇପାରିବେ ନାହିଁ।
ଯାହାକି ୨୦୧୯ ମସିହାରେ ହୋଇଥିବା ପଦୋନ୍ନତିରେ ଅନିୟମିତତା ହୋଇଥିବା ଖବର ଆମ ଖବର କାଗଜ ସମାଜରେ ପ୍ରକାଶିତ ହେବାର ନାଜିର ରହିଛି। ଏହାକୁ ନେଇ କର୍ତ୍ତୃପକ୍ଷ ଉଚିତ ଭାବରେ କିପରି ସରକାରୀ ନିୟମ ମୁତାବକ କମ୍ପ୍ୟୁଟର ପରୀକ୍ଷା ଭିମସାର ନିର୍ଦ୍ଦେଶକଙ୍କ ପ୍ରତ୍ୟକ୍ଷ ଉପସ୍ତିତିରେ କରାଗଲେ ସମାସ୍ୟାର ନିରାକରଣ ହୋଇ ପାରିବ ବୋଲି ମତପ୍ରକାଶ ପାଉଛି। ଏହାକୁ ନେଇ ବୁର୍ଲା ଭିମସାରର ନିର୍ଦ୍ଦେଶକ ପ୍ରଫେସର ଲଳିତ ମେହେରଙ୍କୁ ଯୋଗାଯୋଗ କରାଯିବା ଫଳରେ ଏହା କେବଳ ଏକ ମନଗଢ଼ା କଥା ସମସ୍ତ ପଦୋନ୍ନତି ଚୟନ ପ୍ରକ୍ରିୟା କଡ଼ାକଡ଼ି ଭାବରେ କରାଯାଇଛି। ତେବେ ଯଦିବା ଏପରି କିଛି ହୋଇଥିବା ନଜରକୁ ଆସେ ତା ହେଲେ ପଦକ୍ଷେପ ନିଆଯିବ ବୋଲି ସୂଚନା ଦେଇଛନ୍ତି।
Comments are closed.