ଦେଖନ୍ତୁ ଭିଡିଓ; ଭିମ୍ସାରରେ ଡାକ୍ତରୀ ଛାତ୍ରଙ୍କ ବିଶୃଙ୍ଖଳିତ ଆଚରଣ, ଛାତ୍ରାବାସ ଉପରକୁ ରକେଟ୍ ବାଣ ମାଡ..
ବୁର୍ଲା : ବୁର୍ଲା ସହରରେ ଲୋକେ ପୂଜାର୍ଚ୍ଚନା ସହିତ ମିଠା ଖାଇ ଏବଂ ବାଣଫୁଟାଇ ମଉଜ ମସ୍ତି କରି ଦୀପାବଳୀ ମନାଇଥିଲେ । କିନ୍ତୁ ଭିମ୍ସାରର କିଛି ଡାକ୍ତରୀ ଛାତ୍ରମାନଙ୍କ ବିଶୃଙ୍ଖଳିତ ଆଚରଣ ଦେଖିବାକୁ ମିଳିଛି । ଗୋଟିଏ ଛାତ୍ରାବାସରୁ ଆଉ ଗୋଟିଏ ଛାତ୍ରାବାସକୁ ବାଣ ଫୋଟକା,ରକେଟ୍ ମାଡ କରିଛନ୍ତି । ଯାହାର ଭିଡିଓ ଏବେ ସାମ୍ନାକୁ ଆସିଛି । ଏହା ଖୁବ୍ ବିପଦପୂର୍ଣ୍ଣ ଓ ଜୀବନ ପ୍ରତି ବିପଦ ଥିବା ବେଳେ ଛାତ୍ରମାନେ ଏଥିରେ ତିଳେ ମାତ୍ର ଭୟ ନକରି ମଜା କରୁଥିବା ଦେଖାଯାଇଛି । ଏପରିକି ବାଣ ମାଡ କରୁଥିବା ଛାତ୍ର ଏକ ହେଲମେଟ ମଧ୍ୟ ପିନ୍ଧିଥିବା ଦେଖିବାକୁ ମିଳିଛି । ଏହାକୁ ଦେଖିଲେ ଏକ କୃତ୍ରିମ ଯୁଦ୍ଧ କ୍ଷେତ୍ରର ଭ୍ରମ ସୃଷ୍ଟି କରୁଛି ।
ମିଳିଥିବା ସୂଚନାନୁଯାୟୀ, ଛାତ୍ରାବାସ ମଧ୍ୟରେ ୨ ଦୁଇଗୋଷ୍ଠୀ ମଧ୍ୟରେ ଏପରି ରକେଟ୍ ମାଡ ଦୃଶ୍ୟ ଦେଖାଯାଇଥିଲା । ଗୋଟିଏ ଗୋଷ୍ଠୀ ଛାତ୍ରାବାସ ଉପରକୁ ଲକ୍ଷ୍ୟ କରି ରକେଟ୍ ମାଡ କରୁଥିବା ବେଳେ ଅନ୍ୟପଟେ ବିପକ୍ଷ ଗୋଷ୍ଠୀ ଛାତ୍ରମାନେ ପୁଣି ସମାନ ଢଙ୍ଗରେ ରକେଟ୍ ମାଡ କରୁଛନ୍ତି ।
ଭିଡିଓ ଭାଇରାଲ ପରେ ଭିମ୍ସାର୍ ନିର୍ଦ୍ଦେଶକ ମଧ୍ୟ ଏହି ଘଟଣା ଦେଖି ଦୁଃଖ ପ୍ରକାଶ କରିଛନ୍ତି ଏବଂ ଏଭଳି ହେବାକଥା ନୁହେଁ ବୋଲି ମତବ୍ୟକ୍ତ କରିଛନ୍ତି । ଏଥିପ୍ରତି ଛାତ୍ରଛାତ୍ରୀ ମାନେ ଧ୍ୟାନ ଦେବା ସହିତ କର୍ତ୍ତୃପକ୍ଷ ମଧ୍ୟ ଏଭଳି ଦୀପାବଳୀ ପାଳନ ଉପରେ କଟକଣା ଲଗାଇବା ଆବଶ୍ୟକ ବୋଲି ସାଧାରଣରେ ଚର୍ଚ୍ଚା ହେଉଛି ।
Pay Online
Comments are closed.